ຈີນຈະຮ່ວມກັບໂລກໝູນໃຊ້ບົດຮຽນໃນການພັດທະນາເສດຖະກິດສີຂຽວນຳກັນ
(GMT+08:00) 2011-07-12 16:46:35 cri
ວັນທີ11ກໍລະກົດນີ້, ທ່ານໂຈ່ວເຊິ່ງສຽນ, ລັດຖະມົນຕີວ່າການກະຊວງອະນຸລັກສິ່ງແວດລ້ອມຈີນກ່າວຢູ່ໄນໂຣບີຂອງເຄັນຢາວ່າ, ໂດຍຜ່ານການພັດທະນາໃນການຫັນເປັນອຸດຫາຫະກຳແລະຫັນເປັນຕົວເມືອງ, ຈີນໄດ້ຮັບຮູ້ວ່ານະໂຍບາຍເສດຖະກິດທີ່ຖືກຕ້ອງຄືນະໂຍບາຍສິ່ງແວດລ້ອມທີ່ຖືກຕ້ອງ,ຈີນຈະຮ່ວມກັບປະເທດຕ່າງໆໃນໂລກໝູນໃຊ້ບົດຮຽນແລະເຕັກໂນໂລຊີດ້ານການພັດທະນາເສດຖະກິດສີຂຽວນຳກັນດ້ວຍວິທີທີ່ເປີດປະຕູ.
ມື້ດຽວກັນ, ທ່ານໂຈ່ວສຽນເຊິ່ງໄດ້ກ່າວປາຖະກະຖາຢູ່ສຳນັກງານໃຫຍ່ຂອງໂຄງການສິ່ງແວດລ້ອມສະຫະປະຊາຊາດຫຼືUNEP. ທ່ານກ່າວວ່າ, ລັດຖະບານຈີນມີຈຸດຢືນສະເໝີຕົ້ນສະເໝີປາຍໃນດ້ານການສ້າງແລະຈັດຕັ້ງປະຕິບັດພັດທະນາທັດວິທະຍາສາດ, ຊຸກຍູ້ການພັດທະນາແບບຍືນຍົງແລະຊຸກຍູ້ການພັດທະນາສີຂຽວ, ແມ່ນໄປພ້ອມກັບກະແສການພັດທະນາສີຂຽວສາກົນແລະກະແສເສດຖະກິດສີຂຽວ. ຈີນຈະສຸມກຳລັງເຂົ້າໃນການສະແຫວງຫາເສັ້ນທາງໃໝ່ໃນການອະນຸລັກສິ່ງແວດລ້ອມ ເຊິ່ງມີຄ່າຕອບແທນໜ້ອຍ,ມີປະສິດທິຜົນສູງ,ລະບາຍກາກບອນດີອອກຊິດໜ້ອຍແລະມີຄວາມຍືນຍົງ. ຈີນຊົມເຊີຍປະເທດທີ່ມີເຕັກໂນໂລຊີທີ່ກ້າວໜ້າໃນການອະນຸລັກສິ່ງແວດລ້ອມມາລົງທຶນໃນຂະແໜງການສິ່ງແວດລ້ອມຂອງຈີນ, ຈີນມີຕະຫຼາດທີ່ມີກຳລັງແຮງບົ່ມຊ້ອນອັນກວ້າງຂວາງ,ນີ້ຍ່ອມຈະເຮັດໃຫ້ຕ່າງຝ່າຍຕ່າງໄດ້ຮັບຜົນປະໂຫຍດແນ່ນອນ.
