ວັນທີ11ກໍລະກົດນີ້,ຢູ່ທີ່ປັກກິ່ງ,ທ່ານຊີຈີ້ນຜີງ,ຮອງປະທານປະເທດຈີນ,ຮອງປະທານຄະນະກໍາມະການການທະຫານສູນກາງຈີນໄດ້ຕ້ອນຮັບພົນເອກມາຍເຄີ ມູເລີນ,ປະທານສະພາເສນາທິການໃຫຍ່ກອງທັບເຮືອອາເມລິກາພ້ອມດ້ວຍຄະນະ. ທ່ານຊີຈີ້ນຜີງຫວັງວ່າພາກສ່ວນທີ່ຮັບຜິດຊອບວຽກງານປ້ອງກັນແລະກອງທັບຂອງສອງປະເທດຈະພະຍາຍາມຮ່ວມກັນກໍາຈັດອຸປະສັກທີ່ມີຜົນກະທົບຕໍ່ການພັດທະນາການພົວພັນລະຫວ່າງສອງກອງທັບ,ຮ່ວມກັນສ້າງການພົວພັນທາງການທະຫານໂດຍການເຄົາລົບເຊິ່ງກັນແລະກັນ,ຮ່ວມມືກັນແລະຕ່າງຝ່າຍຕ່າງມີຜົນປະໂຫຍດ.
ທ່ານຊີຈີ້ນຜີງກ່າວວ່າ,ການພົວພັນລະຫວ່າງສອງກອງທັບແມ່ນພາກສ່ວນທີ່ສໍາຄັນຂອງການພົວພັນສອງປະເທດ,ການພົວພັນລະຫວ່າງສອງກອງທັບທີ່ປອດໃສແລະໝັ້ນຄົງ,ມີຄວາມໝາຍສໍາຄັນຕໍ່ການສ້າງການພົວພັນຄູ່ຮ່ວມມືຈີນອາເມລິກາ.ຫວັງຢາກໃຫ້ພາກສ່ວນທີ່ຮັບຜິດຊອບວຽກງານປ້ອງກັນແລະກອງທັບຂອງສອງປະເທດສືບຕໍ່ເພີ່ມທະວີການໄປມາຫາສູ່ກັນ,ເປີດກວ້າງຄວາມຮັບຮູ້ເຂົ້າໃຈກັນ,ລົງເລິກຄວາມໄວ້ເນື້ອເຊື່ອໃຈກັນ,ແລະຕັ້ງໜ້າຈັດຕັ້ງປະຕິບັດຄວາມຮັບຮູ້ຄືກັນຕ່າງໆທີ່ສອງຝ່າຍຕົກລົງກັນ.
ທ່ານມາຍເຄີ ມູເລີນກ່າວວ່າ,ອາເມລິກາເອົາໃຈໃສ່ໃນລະດັບສູງຕໍ່ການພົວພັນລະຫວ່າງສອງປະເທດ,ຍິນດີຊຸກຍູ້ການພັດທະນາການພົວພັນລະຫວ່າງສອງປະເທດຢ່າງບໍ່ຢຸດຢັ້ງ,ບົນພື້ນຖານທີ່ເຄົາລົບນັບຖືກັນແລະໄວ້ເນື້ອເຊື້ອໃຈກັນ. ທ່ານສະແດງຄວາມຂອບໃຈຕໍ່ຈີນທີ່ໃຫ້ການຕ້ອນຮັບການຢ້ຽມຢາມເທື່ອນີ້,ແລະຈະຄວາມພະຍາຍາມຮ່ວມກັນກັບຈີນ,ຕັ້ງໜ້າປະຕິບັດຄວາມຮັບຮູ້ຄືກັນດ້ານການພົວພັນລະຫວ່າງສອງກອງທັບທີ່ປະມຸກລັດສອງປະເທດຕົກລົງກັນ,ເພີ່ມທະວີການສົນທະນາແລະການແລກປ່ຽນ,ເພີ່ມຄວາມໄວ້ເນື້ອເຊື່ອໃຈກັນຢ່າງບໍ່ຢຸດຢັ້ງ,ລົງເລິກການຮ່ວມມືລະຫວ່າງສອງກອງທັບໃນຂົງເຂດຕ່າງໆ.
