ຈີນເຕືອນໃຫ້ອາເມລິກາຢ່າກໍ່ເລື່ອງ
(GMT+08:00) 2011-07-12 17:57:54 cri
ວັນທີ11ກໍລະກົດນີ້,ຢູ່ທີ່ປັກກິ່ງ,ພົນເອກເຫຼົ່າທັບເຮືອແມັກ ມັວເລັນ,ປະທານສະພາເສນາທິການກອງທັບອາເມລິກາພ້ອມດ້ວຍຄະນະທີ່ພວມຢ້ຽມຢາມຈີນ,ໄດ້ຈັດການພົບປະທາງການເມືອງລະດັບສູງກັບຜູ່ນຳຂອງລັດຖະບານແລະກອງທັບຂອງຈີນ,ແລະໄດ້ບັນລຸຄວາມເຫັນທີ່ເປັນເອກະສັນກັນຫຼາຍຢ່າງ.ໂດຍແນໃສ່ບັນຫາເລື່ອງຈິງ,ຜູ່ນຳຂອງກອງທັບຈີນເນັ້ນຄວາມໄວ້ເນື້ອເຊື່ອໃຈກັນແລະການໂຄລົບເຊິ່ງກັນແລະກັນນັ້ນຫຼາຍເທື່ອ,ເຕືອນໃຫ້ອາເມລິກາຢ່າກໍ່ເລື່ອງ,ແລະສ້າງຜົນກະທົບຕໍ່ການຂະຫຍາຍການພົວພັນລະຫວ່າງສອງປະເທດແລະສອງກອງທັບ.
ພົນເອກເສີນປີງເຕີ,ກຳມະການຄະນະກຳມະການການທະຫານສູນກາງຈີນ,ເສນາທິ ການໃຫຍ່ກອງທັບປົດປ່ອຍປະຊາຊົນຈີນກ່າວເນັ້ນວ່າ,ຂໍກະແຈຂອງການຂະຫຍາຍການພົວພັນທີ່ປອດໄສ,ໝັ້ນຄົງແລະໄວ້ໃຈໄດ້ລະຫວ່າງສອງກອງທັບ,ແມ່ນສອງຝ່າຍມີຄວາມໄວ້ເນື້ອເຊື່ອໃຈກັນແລະໂຄລົບເຊິ່ງກັນແລະກັນ.ທ່ານເຕືອນໃຫ້ອາເມລິກາ,ຢ່າພະຍາຍາມກໍ່ເລື່ອງໃນເສັ້ນທາງທີ່ຂະຫຍາຍການພົວພັນລະຫວ່າງສອງກອງທັບ.ກ່ອນມາຢ້ຽມຢາມຈີນ,ທ່ານແມັກ ມັວເລັນເຄີຍກ່າວຢ່າງເປີດເຜີຍວ່າ,ກອງທັບອາເມລິກາຈະມີການຄົງຕົວເປັນເວລາຍາວນານຢູ່ເຂດທະເລຈີນໃຕ້.ແຕ່ການຄົງຕົວທາງການທະຫານທີ່ເປັນເວລາຍາວນານຈະເປັນຮູບການໃດ?ອາເມລິກາຈະສ້າງຖານທັບແຫ່ງໃໝ່ຢູ່ເຂດທະເລຈີນໃຕ້ຫຼືບໍ່?ກ່ຽວກັບຄຳຖາມດັ່ງກ່າວ,ທ່ານແມັກ ມັວເລັນຕອບວ່າ:"ໃນຫຼາຍສິບປີມານີ້,ພວກຂ້າພະເຈົ້າ ມີການຄົງຕົວທາງການທະຫານຢູ່ເຂດທະເລຈີນໃຕ້ໂດຍຕະຫຼອດ,ໃນອະນາຄົດ,ພວກຂ້າພະເຈົ້າຍັງຈະມີການຄົງຕົວທາງການທະຫານແບບນີ້.ນີ້ບໍ່ໝາຍຄວາມວ່າພວກຂ້າພະເຈົ້າ ຈະສ້າງຖານທັບຢູ່ທີ່ນີ້,ເພາະວ່າພວກຂ້າພະເຈົ້າໄດ້ມີຖານທັບຢູ່ເຂດອາຊີແລ້ວແລະຈະມີກອງທັບເກົ່າປະຈຳຢູ່ຖານທັບເຫຼົ່ານີ້.ກ່ຽວກັບຮູບການຄົງຕົວທາງການທະຫານ,ທີ່ຈິງແລ້ວພຽງຈັດການຊ້ອມຮົບຈຳນວນໜຶ່ງ,ຂະໜາດຂອງມັນກໍບໍ່ໃຫຍ່ປານໃດ."
ກ່ຽວກັບເລື່ອງນີ້,ພົນເອກເສີນປີງເຕີກ່າວວ່າ,ການຈັດການຊ້ອມຮົບໃນເວລາຈີນກັບ ຟິລິບປິນແລະຫວຽດນາມມີຄວາມຂັດແຍ່ງກັນໃນບັນຫາທະເລຈີນໃຕ້ນັ້ນແມ່ນບໍ່ເໝາະສົມທີ່ສຸດ.ທ່ານກ່າວວ່າ:"ອາເມລິກາເຄີຍກ່າວຫຼາຍເທື່ອວ່າ,ບໍ່ມີເຈດຈະນາທີ່ເຂົ້າແຊກແຊງບັນ ຫາທະເລຈີນໃຕ້,ແຕ່ບໍ່ວ່າອາເມລິກາໃຊ້ຮູບການຫຍັງ,ຄວາມຈິງແມ່ນໄດ້ສົ່ງສັນຍານທີ່ມີຄວາມໝາຍກົງກັນຂ້າມ.ການຈັດການຊ້ອມຮົບກັບຟະລິບປິນແລະຫວຽດນາມຢູ່ເຂດທະເລຈີນໃຕ້,ເຖິງວ່າເຄີຍດຳເນີນໃນແຕ່ກ່ອນ,ແຕ່ດຳເນີນໃນໄລຍະນີ້ແມ່ນບໍ່ເໝາະສົມທີ່ສຸດ."ທ່ານຫວັງໃຫ້ການຄົງຕົວທາງການທະຫານຂອງອາເມລິກາຢູ່ອາຊີຄວນຖືການ"ສ້າງຄວາມມ່ວນໃຈແກ່ປະເທດທັງໝົດໃນເຂດນີ້"ເປັນຈຸດປະສົງ.
ຈາກການຈັດວາງການຢ້ຽມຢາມຈີນຂອງທ່ານແມັກ ມັວເລັນກໍຈະໄດ້ເຫັນຄວາມຈິງໃຈແລະທ່າທີອັນຕັ້ງໜ້າຂອງຈີນ,ຄືໃນເວລາທ່ານເສີນປີງເຕີເຈລະຈາກັບທ່ານແມັກ ມັວເລັນ,ໄດ້ເປີດຫ້ອງການໃຫ້ຄົນຕ່າງປະເທດເປັນເທື່ອທຳອິດ;ໄດ້ຈັດວາງໃຫ້ທ່ານແມັກ ມັວເລັນເຂົ້າຢ້ຽມຄ່ຳນັບຮອງປະທານປະເທດຈີນເປັນພິເສດ;ແລະຍັງໄດ້ຈັດວາງໃຫ້ທ່ານແມັກ ມັວເລັນຢ້ຽມຢາມກົມກອງທີ່ສະດຸ້ງໄວ,ຄື:ກອງບັນຊາການຈະຫຼວດເປັນຕົ້ນ.ເມື່ອໄດ້ສິ້ນສຸດການຢ້ຽມຢາມຢູ່ປັກກິ່ງແລ້ວ,ທ່ານແມັກ ມັວ ເລັນຍັງຈະໄປແຂວງຊ່ານຕົ່ງແລະແຂວງເຈີ້ຈ່ຽງ,ຢ້ຽມຢາມກົມກອງທີ່ກ່ຽວຂ້ອງຂອງເຫຼົ່າທັບບົກ,ເຫຼົ່າທັບເຮືອແລະເຫຼົ່າທັບອາກາດຂອງຈີນ.
