ທ່ານຫູຈິນທາວກ່າວເນັ້ນວ່າການຊຸກຍູ້ການພັດທະນາການພົວພັນລະຫວ່າງສອງຝັ່ງຊ່ອງແຄບໄຕ້ຫວັນໃນອະນາຄົດສຳຄັນທີ່ສຸດແມ່ນຂຶ້ນກັບຊາວໜຸ່ມ
(GMT+08:00) 2011-07-13 15:25:28 cri
ທ່ານຫູຈິນທາວ ເລຂາທິການໃຫຍ່ສູນກາງພັກກອມມູນິດຈີນໄດ້ເຂົ້າຮ່ວມງານພົບປະສັງສັນແລກປ່ຽນກັນລະຫວ່າງຊາວໜຸ່ມໝື່ນຄົນຂອງສອງຝັ່ງຊ່ອງແຄບໄຕ້ຫວັນໃນຕອນບ່າຍວັນທີ12ກໍລະກົດນີ້ຢູ່ທີ່ນະຄອນຫຼວງປັກກິ່ງຊຶ່ງທ່ານກ່າວເນັ້ນວ່າ,ການຊຸກຍູ້ການພັດທະນາການພົວພັນລະຫວ່າງສອງຝັ່ງຊ່ອງໃນອະນາຄົດສຳຄັນທີ່ສຸດແມ່ນຂຶ້ນກັບຊາວໜຸ່ມ.
ທ່ານເລຂາທິການໃຫຍ່ຫູຈິນທາວຊີ້ອອກວ່າ,ໃນຊຸມປີມໍ່ໆມານີ້,ການພົວພັນລະຫວ່າງສອງຝັ່ງໄດ້ຮັກສາທ່າອ່ຽງຂະຫຍາຍຕົວໂດຍສັນຕິ, ຍ້ອນການພົວພັນລະຫວ່າງສອງຝັ່ງໄດ້ຮັບການປັບປຸງແລະຂະຫຍາຍຕົວໄປໃນທາງທີ່ດີ,ເພື່ອນມິດຊາວໜຸ່ມສອງຝັ່ງຈິ່ງມີໂອກາດໄປມາຫາສູ່ກັນຢ່າງສະດວກສະບາຍໃນສູ່ມື້ນີ້.ທ່ານຫູຈິນທາວກ່າວເນັ້ນເປັນພິເສດວ່າ,ຊາວໜຸ່ມໝາຍເຖິງອະນາຄົດ,ການຊຸກຍູ້ການພົວພັນລະຫວ່າງສອງຝັ່ງໃຫ້ຂະຫຍາຍຕົວໃນອະນາຄົດນັ້ນສຳຄັນທີ່ສຸດແມ່ນຂຶ້ນກັບຊາວໜຸ່ມ.ຫວັງວ່າຊາວໜຸ່ມສອງຝັ່ງຈະເປັນຜູ່ສືບທອດວຽກງານການພົວພັນສອງຝັ່ງໃຫ້ຂະຫຍາຍຕົວ,ເຂົ້າຮ່ວມການຮ່ວມມືແລະແລກປ່ຽນກັນລະຫວ່າງສອງຝັ່ງດ້ວຍກັນຢ່າງຕັ້ງໜ້າກວ່າເກົ່າ,ຮ່ວມກັນສ້າງສາອະນາຄົດອັນດີງາມໃນການສ້າງຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນ.
ກິດຈະກຳແລກປ່ຽນລະຫວ່າງຊາວໜຸ່ມໝື່ນຄົນຂອງສອງຝັ່ງຊ່ອງແຄບໄຕ້ຫວັນແມ່ນ17ສຳນັກງານເຊັ່ນຫ້ອງການວຽກງານໄຕ້ຫວັນສູນກາງພັກກອມມູນິດຈີນແລະສູນກາງຄະນະຊາວໜຸ່ມກອມມູນິດຈີນຮ່ວມກັນຈັດຂຶ້ນໂດຍແບ່ງເປັນ22ຄະນະດຳເນີນກິດຈະກຳຢູ່ແຫ່ງຕ່າງໆຂອງແຜ່ນດິນໃຫຍ່ຕາມໆກັນເລີ່ມແຕ່ຕົ້ນເດືອນກໍລະກົດນີ້.
