ແຜນດຳເນີນງານດ້ານສິດທິມະນຸດແຫ່ງຊາດຈີນສະບັບທຳອິດບັນລຸຄາດໝາຍຕາມກຳນົດ
(GMT+08:00) 2011-07-13 15:18:24 cri
ວັນທີ12ກໍລະກົດນີ້ຢູ່ທີ່ປັກກິ່ງ,ທ່ານວາງເຊີນ,ຫົວໜ້າຫ້ອງການຖະແຫຼງຂ່າວຂອງລັດຖະ ບານຈີນກ່າວວ່າ,ຄາດໝາຍຕ່າງໆໃນແຜນດຳເນີນງານດ້ານສິດທິມະນຸດແຫ່ງຊາດຈີນສະບັບທຳອິດໄດ້ບັນລຸຜົນເປັນຈິງຕາມກຳນົດ,ໃນນັ້ນມີດັດຊະນີລັກສະນະຈຳກັດປະມານ35%ແລະດັດຊະນີພົວພັນເຖິງຊີວິດການເປັນຢູ່ຂອງປະຊາຊົນ50%ຂຶ້ນໄປໄດ້ບັນລຸຜົນ ເປັນຈິງໂດຍລື່ນຄາດໝາຍກຳນົດຫຼືບັນລຸເປັນຈິງກ່ອນເວລາກຳນົດ.
ເອກະສານທີ່ຊື່ວ່າ"ແຜນດຳເນີນງານດ້ານສິດທິມະນຸດແຫ່ງຊາດຈີນ2009ຫາ2010"ເຜີຍແຜ່ໃນເດືອນເມສາປີ2009.ທ່ານວາງເຊີນບອກໃຫ້ຮູ້ວ່າ,ຜົນການປະເມີນສະແດງໃຫ້ເຫັນວ່າ,ມາດຕະການຕ່າງໆໃນແຜນດຳເນີນງານສະບັບນີ້ໄດ້ຮັບການຈັດຕັ້ງປະຕິ ບັດຢ່າງມີຜົນສັກສິດ.
"ສອງປີມານີ້,ສະເລ່ຍແລ້ວ,ລວມຍອດຜະລິດຕະພັນພາຍໃນປະເທດຫຼືGDP ຂອງຈີນເພີ່ມຂຶ້ນ9,77%ຕໍ່ປີ.ໃນປີ2010,ລາຍໄດ້ທີ່ຈັບຈ່າຍໄດ້ຫຼືNDIສະເລ່ຍຕໍ່ຫົວຄົນຂອງຜູ່ດຳລົງຊີວິດຢູ່ໃນຕົວເມືອງໄດ້ເພີ່ມຂຶ້ນ11,3%,ລາຍໄດ້ສຸດທີ່ສະເລ່ຍຕໍ່ຫົວຄົນຂອງຜູ່ດຳລົງຊີວິດຢູ່ໃນຊົນນະບົດໄດ້ເພີ່ມຂຶ້ນ14,9%,ຜູ່ປະກອບອາຊີບໃນຕົວເມືອງໄດ້ເພີ່ມ ອີກ22ລ້ານ7ແສນຄົນ.ປະຊາກອນຜູ່ດຳລົງຊີວິດໃນຕົວເມືອງແລະຊົນນະບົດ90%ໄດ້ມີການປະກັນການປິ່ນປົວພະຍາດພື້ນຖານ,ການສຶກສາພາກບັງຄັບ9ປີສາມາດປະຕິບັດໄດ້ຮ້ອຍສ່ວນຮ້ອຍ."
ທ່ານວາງເຊີນຍັງຊີ້ອອກວ່າ,ໃນປີ2009ຫາປີ2010,ລັດຖະບານຈີນໄດ້ໃຊ້ງົບປະ ມານ2ຕື້779ລ້ານຢວນເຂົ້າໃນການພັດທະນາຊົນເຜົ່າສ່ວນໜ້ອຍ,ແລະໄດ້ລື່ນເປົ້າໝາຍທີ່ຄາດໄວ້ລ່ວງໜ້າ,ສິດແລະຜົນປະໂຫຍດຂອງແມ່ຍິງ,ເດັກນ້ອຍ,ຜູ່ເຖົ້າແລະຄົນພິການໄດ້ມີການຮັບປະກັນຮອບດ້ານ;ຄຽງຄູ່ກັບການດຳເນີນການສຶກສາດ້ານສິດທິມະນຸດ,ສະຕິຕໍ່ສິດທິມະນຸດຂອງປະຊາຊົນຈີນທົ່ວປະເທດໄດ້ຍົກສູງຂຶ້ນຢ່າງຈະແຈ້ງ.
ທ່ານວາງເຊີນຍັງຊີ້ອອກວ່າ,ຈີນຈະວາງແຜນການດຳເນີນງານດ້ານສິດທິມະນຸດແຫ່ງຊາດໄລຍະໃໝ່,ເນື້ອໃນລວມທັງຄາດໝາຍທີ່ຈີນຈະບັນລຸແລະມາດຕະການລະອຽດທີ່ຈີນຈະໃຊ້ໃນຂົງເຂດຕ່າງໆດ້ານສິດທິມະນຸດໃນໄລຍະແຕ່ປີ2012ຫາປີ215.
