ການປະກອບອາຊີບບໍ່ເປັນລະບົບທ່ວງດຶງການພັດທະນາເສດຖະກິດຂອງອາຊີອາຄະເນ
(GMT+08:00) 2011-07-15 17:11:16 cri
ຄຽງຄູ່ກັບບັນດາປະເທດອາຊີອາຄະເນພາກັນຖືການຫັນປ່ຽນຮູບການພັດທະນາເສດຖະກິດເປັນເປົ້າໝາຍນະໂຍບາຍອັນສຳຄັນແລ້ວ,ບັນຫາທີ່ເກີດຂຶ້ນແມ່ນຍ້ອນຜູ່ອອກແຮງງານໃຫ້ສ່ວນບຸກຄົນຫຼືໃຫ້ວິສາຫະກິດນ້ອຍໆຂອງສ່ວນບຸກຄົນເພີ່ມຫຼາຍຂຶ້ນນັ້ນນັບມື້ນັບຮຸນແຮງຂຶ້ນ.
ໃນບັນດາປະເທດອາຊີອາຄະເນ, ຜູ່ອອກແຮງງານໃຫ້ສ່ວນບຸກຄົນຫຼືວ່າໃຫ້ວິສາຫະກິດນ້ອຍໆທີ່ມີກຳມະກອນໜ້ອຍກວ່າ10ຄົນມີບັນຫາຫຼາຍຢ່າງເຊັ່ນ:ເງິນເດືອນ,ອາຊີບໍ່ໝັ້ນຄົງ,ແລະບໍ່ມີການປະກັນໄພ.
ເຖິງວ່າການອອກແຮງງານແບບນີ້ກໍໄດ້ເສີມຂະຫຍາຍບົດບາດທີ່ດີໃນການຫຼຸດຜ່ອນ ຄວາມກົດດັນດ້ານການປະກອບອາຊີບ,ພັດທະນາຕະຫຼາດແຮງງານແລະສ້າງຄວາມໝັ້ນທ່ຽງໃຫ້ສັງຄົມກໍ່ຕາມ,ແຕ່ບັນຫາສຳຄັນແມ່ນ,ມັນເຮັດໃຫ້ປະສິດທິພາບການອອກແຮງງານຕ່ຳ,ເຕັກນິກບໍ່ໄດ້ຮັບການພັດທະນາຢ່າງພຽງພໍ,ແລະຂະແໜງການຜະລິດຍາກທີ່ຈະເປີດກວ້າງຂະໜາດການຜະລິດ.ບົດລາຍງານຂອງອົງການເອເປັກສະແດງໃຫ້ເຫັນວ່າ,ການອອກແຮງງານໃຫ້ສ່ວນບຸກຄົນຫຼືວ່າໃຫ້ວິສາຫະກິດນ້ອຍໆຂອງສ່ວນບຸກຄົນກວມ2ສ່ວນ3ຂອງ ການປະກອບອາຊີບທີ່ເພີ່ມໃໝ່ຂອງອາຊີອາຄະເນ.ໃນຕະຫຼາດແຮງງານຂອງອາຊີອາຄະ ເນມີຜູ່ອອກແຮງງານແບບນີ້ຫຼາຍໂພດ,ນີ້ແມ່ນສາເຫດສຳຄັນທີ່ເຮັດໃຫ້ປະເທດເຫຼົ່ານີ້ຫັນ ປ່ຽນຮູບການພັດທະນາເສດຖະກິດໄດ້ຍາກ.
ທ່ານວາງຈີ້ຢວນ,ຫົວໜ້າກົມແຫ່ງຊາດໄທ,ກຳປູເຈຍແລະລາວຂອງອົງການແຮງງານສາກົນເຫັນວ່າ,ປະເທດອາຊີອາຄະເນປະເຊີນກັບວຽກສຳຄັນສອງຢ່າງ,ຄື:ຊຸກຍູ້ການ ປະກອບອາຊີບຂອງຊາວໜຸ່ມແລະປົກປ້ອງແຮງງານຕ່າງປະເທດ,ຄວນຈັດເອົາສອງວຽກນີ້ເຂົ້າໃນແຜນພັດທະນາປະເທດໂດຍລວມ,ອອກແຮງຍົກລະດັບຄວາມຮູ້ຄວາມສາມາດຂອງຜູ່ອອກແຮງງານ.ປະຈຸບັນນີ້,ການເພີ່ມຂຶ້ນໃນການປະກອບອາຊີບໃນວິສາຫະກິດໃຫຍ່ດ້ວຍການຝຶກອົບຮົມຜູ່ອອກແຮງງານໄດ້ກາຍເປັນເປົ້າໝາຍແລະເປັນນະໂຍບາຍອັນສຳຄັນຂອງບັນດາປະເທດອາຊີອາຄະເນ.ລັດຖະບານຂອງລາວ,ກຳປູເຈຍ,ອິນໂດເນເຊຍແລະປະເທດອື່ນໆໄດ້ວາງແຜນການພັດທະນາຄວາມສາມາດຂອງຜູ່ອອກແຮງງານແລ້ວ,ແລະທະນາຄານພັດທະນາອາຊີກໍ່ຖືວຽກນີ້ເປັນວຽກຈຸດໜັກທີ່ຈະໃຫ້ການຊ່ວຍເຫຼືອ.
ມີນັກວິເຄາະເຫັນວ່າ,ສິ່ງທ້າທາຍຕົ້ນຕໍອັນໜຶ່ງທີ່ປະເທດອາຊີອາຄະເນຈະປະເຊີນໃນ ຂະບວນການພັດທະນາເສດຖະກິດໃນອະນາຄົດກໍແມ່ນການຍົກສູງລະດັບຄວາມຮູ້ ຄວາມສາມາດຂອງຜູ່ອອກແຮງງານ,ແລະຈັດເອົາຜູ່ອອກແຮງງານໃຫ້ສ່ວນບຸກຄົນແລະໃຫ້ວິສາຫະກິດນ້ອຍໆຂອງສ່ວນບຸກຄົນເຂົ້າໃນລະບົບເງິນເດືອນແລະລະບົບສະຫວັດດີການແຫ່ງຊາດ.ການສ້າງຕະຫຼາດຮ່ວມຂອງອາຊຽນໃນອະນາຄົດ,ແມ່ນຂຶ້ນຢູ່ກັບຖານະບົດບາດຂອງປະເທດຕ່າງໆໃນຕ່ອງໂສ້ນີ້,ແຮ່ງຂຶ້ນຢູ່ກັບການຈັດວາງແລະປະສານງານຕໍ່ການຍົກສູງລະດັບຂອງຜູ່ອອກແຮງງານແລະການລົງທຶນເຂົ້າໃນອຸດສາຫະກຳ.
