ທ່ານໂອບາມາພົບປະກັບດາໄລລາມະເປັນການສົ່ງຜົນກະທົບຕໍ່ຄວາມໄວ້ເນື້ອເຊື່ອໃຈດ້ານຍຸດທະສາດລະຫວ່າງຈີນກັບອາເມລິກາແລະການຮ່ວມມືສາກົນ
(GMT+08:00) 2011-07-21 17:19:14 cri
ວັນທີ20ກໍລະກົດນີ້, ເວັບໄຊຕິເບດຂອງຈີນໄດ້ພິມບົດຄວາມທີ່ມີຫົວເລື່ອງວ່າ"ທ່ານໂອບາມາພົບປະກັບດາໄລລາມະໄດ້ສະແດງໃຫ້ເຫັນຫຍັງ?", ບົດຄວາມຊີ້ອອກວ່າການພົບປະເທື່ອນີ້ໄດ້ສົ່ງຜົນກະທົບຕໍ່ສາຍພົວພັນອັນດີງາມລະຫວ່າງຈີນກັບອາເມລິກາ, ແລະສົ່ງຜົນກະທົບຕໍ່ຄວາມໄວ້ເນື້ອເຊື່ອໃຈດ້ານຍຸດທະສາດລະຫວ່າງສອງປະເທດໃນຕໍ່ໜ້າຕະຫຼອດຮອດການຮ່ວມມືສາກົນໃນຂົງເຂດຕ່າງໆຕື່ມອີກ.
ບົດຄວາມຂຽນວ່າ, ອີງຕາມຄວາມເວົ້າຂອງນັກຂ່າວຂອງຝ່າຍປະເທດຕາເວັນຕົກ, ທ່ານໂອບາມາພົບປະກັບດາໄລລາມະອີກເທື່ອໜຶ່ງໂດຍບໍ່ເອົາຫົວຊານຳການຄັດຄ້ານຢ່າງຮຸນແຮງຂອງລັດຖະບານຈີນ, ແມ່ນຍ້ອນວ່າທ່ານໄດ້ປະສົບກັບຄວາມຫຍຸ້ງຍາກຫຼາຍປະການໂດຍສະເພາະ. ປີໜ້າແມ່ນປີໜຶ່ງທີ່ສຳຄັນສຳລັບທ່ານໂອບາມາແຂ່ງຂັນດຳລົງຕຳແໜ່ງປະທານາທິບໍດີອາເມລິກາອີກສະໄໝໜຶ່ງ. ແຕ່ປະຈຸບັນລັດຖະບານໂອບາມາໃນການລົງສະໝັກຍັງຄາຢູ່ໃນສະພາບການຫຍຸ້ງຍາກທີ່ເສດຖະກິດພາຍໃນປະເທດພັດທະນາຢ່າງຊັກຊ້າ, ການຫວ່າງງານຮ້າຍແຮງຂຶ້ນ, ທັງເກີດມີການຂັດແຍ່ງກັນກ່ຽວກັບວິກິດການຂອບເຂດໜີ້ສິນ, ໃນສາກົນກໍ່ພວມປະເຊີນກັບສົງຄາມລີບີ, ການປະທະກັນຢູ່ເຂດຕາເວັນອອກກາງ, ແລະຄວາມຫຍຸ້ງຍາກອື່ນໆ. ໃນດ້ານໜຶ່ງ, ທ່ານໂອບາມາຢາກຕອບສະໜອງທ່າທີຂອງສະມາຊິກລັດຖະສະພາທີ່ຕໍ່ຕ້ານປະເທດຈີນ, ສະນັ້ນຈຶ່ງຕັດສິນໃຈພົບປະກັບດາໄລລາມະຢ່າງເປີດເຜີຍ; ຄຽງຄູ່ກັນນັ້ນ, ທ່ານໂອບາມາກໍ່ບໍ່ຢາກທຳລາຍສາຍພົວພັນກັບຈີນຢ່າງສົມບູນ, ສະນັ້ນກໍ່ບໍ່ໄດ້ຮັບເອົາຍັດຕິຂອງສະມາຊິກສະພາຈຳນວນໜຶ່ງທີ່ຮຽກຮ້ອງໃຫ້ທ່ານພົບປະກັບດາໄລລາມະຢູ່ຫ້ອງ ການປະທານາທິບໍ ດີທີ່ທຳນຽບຂາວ, ເຮັດແບບນີ້ແມ່ນເລືອກເອົາຄວາມເປັນກາງທີ່ສະແຫວງຫາໄມຕີຈິດທັງສອງເບື້ອງ.
ບົດຄວາມກ່າວເນັ້ນວ່າ, ເຖິງວ່າທ່ານໂອບາມາພົບປະກັບດາໄລລາມະແມ່ນເປັນການກະທຳແບບບິດບັງ, ແຕ່ແນ່ນອນແລ້ວຈະສ້າງຜົນກະທົບຢ່າງຮຸນແຮງຕໍ່ສາຍພົວພັນຈີນອາເມລິກາໃນວາລະການດຳລົງຕຳແໜ່ງຂອງທ່ານ.
