ຈີນສະແດງຄວາມຊົມເຊີຍຕໍ່ການຕັດສິນຂອງສານການາດາກ່ຽວກັບການສົ່ງຕົວລາຍຊ່າງຊິງກັບຄືນປະເທດ
(GMT+08:00) 2011-07-22 16:38:30 cri
ທ່ານມາຈ່າວຊູ້ ໂຄສົກກະຊວງການຕ່າງປະເທດຈີນກ່າວໃນວັນທີ22ກໍລະກົດນີ້ວ່າ,ຈີນສະແດງຄວາມຊົມເຊີຍຕໍ່ສານການາດາທີ່ປະຕິເສດຄຳຮ້ອງຂໍຂອງ ລາຍຊ່າງຊິງທີ່ຢາກໃຫ້ເລື່ອນເວລາປະຕິບັດຄຳສັ່ງສົ່ງເຂົາກັບຄືນປະເທດ.
ວັນທີ21ກໍລະກົດນີ້,ສານສະຫະລັດການາດາໄດ້ດຳເນີນການຟັງຄຳໃຫ້ການກ່ຽວກັບຄະດີສົ່ງທ້າວລາຍຊ່າງຊິງກັບຄືນປະເທດເປັນເວລາ3ຊົ່ວໂມງກວ່າ,ແລະໄດ້ທຳການຕັດສິນໃນເວລາ18ໂມງຂອງມື້ດຽວກັນປະຕິເສດຄຳຮ້ອງຂໍຂອງລາຍຊ່າງຊິງທີ່ຢາກໃຫ້ເລື່ອນເວລາປະຕິບັດຄຳສັ່ງໃນການສົ່ງເຂົາກັບຄືນປະເທດ,ແລະຕົກລົງປະຕິບັດຄຳສັ່ງດັ່ງກ່າວ.ມາຮອດປະຈຸບັນ,ທຸກຂັ້ນຕອນທາງດ້ານຕຸລາການກ່ຽວກັບຄະດີສົ່ງຕົວລາຍຊ່າງຊິງກັບຄືນປະເທດນັ້ນໄດ້ສິ້ນສຸດລົງແລ້ວ,ລັດຖະບານການາດາຈະສົ່ງຕົວລາຍຊ່າງຊິງກັບຄືນປະເທດຈີນ.
ທ່ານມາຈ່າວຊູ້ກ່າວວ່າ,ລາຍຊ່າງຊິງແມ່ນຜູ່ຕ້ອງຫາທີ່ກະທຳຜິດກົດໝາຍສຳຄັນທີ່ສຸດໃນຄະດີຄ້າເຖື່ອນກໍລະນີໜັກທີ່ສຸດຢູ່ນະຄອນເຊ້ຍເມີນເຊິ່ງຖືກອົງການຕຸລາການຈີນອອກໝາຍຈັບ.ພາຍຫຼັງຄະດີເກີດຂຶ້ນແລ້ວ,ລາວໄດ້ໂຕນໜີໄປການາດາເປັນເວລາຫຼາຍປີ.ລັດຖະບານຈີນມີຫຼັກໝັ້ນຈະແຈ້ງທີ່ສຸດກ່ຽວກັບໃຫ້ລາຍຊ່າງຊິງກັບຄືນປະເທດເພື່ອຮັບການໄຕ່ສວນຕັດສິນຕາມກົດໝາຍ.ຈີນສະແດງຄວາມຊົມເຊີຍຕໍ່ການຕັດສິນຂອງສານການາດາ.
