ສປປເກົາຫຼີແລະສ.ເກົາຫຼີເຫັນດີຮ່ວມກັນພະຍາຍາມເພື່ອຟື້ນຟູການເຈລະຈາ6ຝ່າຍໂດຍໄວ
(GMT+08:00) 2011-07-23 16:47:21 cri
ວັນທີ22ກໍລະກົດນີ້, ໃນເວລາເຂົ້າຮ່ວມການເຈລະຈາລັດຖະມົນຕີການຕ່າງປະເທດຂອງກອງປະຊຸມສຸດຍອດອາຊີຕາເວັນອອກ, ທ່ານຣີຢົງໂຮ, ລັດຖະມົນຕີວ່າການກະຊວງການຕ່າງປະເທດສປປເກົາຫຼີໄດ້ພົບປະກັບທ່ານວີຊົງລັກ, ຫົວໜ້າຄະນະຜູ້ແທນສ.ເກົາຫຼີຂອງການເຈລະຈາ6ຝ່າຍກ່ຽວກັບບັນຫານິວເຄຼຍ ສປປເກົາຫຼີ, ແລະໄດ້ບັນລຸຄວາມເປັນເອກະພາບກັນກ່ຽວກັບສປປເກົາຫຼີແລະສ.ເກົາຫຼີຮ່ວມກັນພະຍາຍາມເພື່ອຟື້ນຟູການເຈລະຈາ6ຝ່າຍໂດຍໄວ.
ຜ່ານການເຈລະຈາເປັນເວລາຊ່ວຍໂມງປາຍ, ທ່ານຣີຢົງໂຮກ່າວຕໍ່ສື່ມວນຊົນວ່າ, ການເຈລະຈາແມ່ນເພື່ອປະຕິບັດ "ຖະແຫຼງການຮ່ວມກ່ຽວກັບການເຈລະຈາ6ຝ່າຍຮອບທີ4"ແລະຟື້ນຟູການເຈລະຈາ6ຝ່າຍໂດຍໄວ. ໃນການເຈລະຈາ, ສອງຝ່າຍໄດ້ປຶກສາຫາລືກ່ຽວກັບບັນຫາຕ່າງໆ ເຊັ່ນການຂະຫຍາຍຕົວຂອງການພົວພັນສອງຝ່າຍຫຼັງຈາກເຊັນ "ຖະແຫຼງການຮ່ວມກ່ຽວກັບການເຈລະຈາ6ຝ່າຍຮອບທີ4", ການຟື້ນຟູການເຈລະຈາ6ຝ່າຍ, ຂະບວນການປອດນິວເຄຼຍແຫຼມເກົາຫຼີແລະ ອື່ນໆ.
ທ່ານວີຊົງລັກກ່າວວ່າ, ການເຈລະຈາແມ່ນດຳເນີນໃນບັນຍາກາດມິດຕະພາບ, ມີລັກສະນະສ້າງສັນ. ສ.ເກົາຫຼີແລະສປປເກົາຫຼີຈະຮ່ວມກັນພະຍາຍາມ , ປຶກສາຫາລືກັນເພື່ອບັນລຸການປອດນິວເຄຼຍ, ສ້າງພື້ນຖານທີ່ດີໃຫ້ແກ່ການຟື້ນຟູການເຈລະຈາ6ຝ່າຍ.
ມື້ດຽວກັນ, ທ່ານໝ້າເຈົ່າຊີ້, ໂຄສົກກະຊວງການຕ່າງປະເທດກ່າວວ່າ, ຈີນສະແດງຄວາມຊົມເຊີຍຕໍ່ຄະນະການເຈລະຈາ6ຝ່າຍສປປເກົາຫຼີແລະສ.ເກົາຫຼພົບປະເຈ ລະຈາກັນ, ຫວັງວ່າຝ່າຍຕ່າງໆທີ່ກ່ຽວຂ້ອງສືບຕໍ່ທຳຄວາມພະຍາຍາມ, ຮັກສາການເຈລະຈາກັນ, ແລະໄດ້ຮັບໝາກຜົນອັນຕັ້ງໜ້າ, ພະຍາຍາມຟື້ນຟູການເຈລະຈາ6ຝ່າຍໂດຍໄວ.
