ສູນກາງພັກກອມມູນິດຈີນຈັດງານສົນທະນາບຸກຄົນນອກພັກ
(GMT+08:00) 2011-07-23 17:24:29 cri
ວັນທີ21ກໍລະກົດນີ້, ຢູ່ປັກກິ່ງ, ສູນກາງພັກກອມມູນິດຈີນໄດ້ຈັດງານໂອ້ລົມກັນບຸກຄົນນອກພັກ, ຮັບຟັງຄວາມເຫັນແລະຂໍ້ສະເໜີຂອງສູນກາງພັກປະ ຊາທິປະໄຕຕ່າງໆ, ຜູ້ນຳສະມາຄົມອຸສາຫະກຳການຄ້າແຫ່ງຊາດແລະບຸກຄົນບໍ່ສັງກັດພັກໃດກ່ຽວກັບສະພາບເສດຖະກິດແລະວຽກງານເສດຖະກິດໃນ6ເດືອນທ້າຍປີນີ້. ທ່ານຫູຈິນທ່າວ, ເລຂາທິການໃຫຍ່ສູນກາງພັກກອມມູນິດຈີນເປັນປະທານງານໂອ້ລົມກັນແລະກ່າວຄຳປາໄສ.
ຫຼັງຈາກຮັບຟັງຄວາມເຫັນຂອງບັນດາທ່ານແລ້ວ, ທ່ານຫູຈິນທ່າວກ່າວວ່າ, ບັນດາທ່ານໄດ້ສະເໜີຄວາມເຫັນແລະຂໍ້ສະເໜີຕໍ່ວຽກງານເສດຖະກິດໃນໝົດປີ, ມີຜົນປະໂຫຍດຕໍ່ພວກເຮົາເພື່ອເຮັກວຽກເສດຖະກິດໃນ6ເດືອນທ້າຍປີນີ້ໃຫ້ດີ, ພວກເຮົາຈະຕັ້ງໃຈຄົ້ນຄ້ວາ.
ທ່ານຫູຈິນທ່າວຍັງສະເໜີຄຳເຫັນ6ຂໍ້ກ່ຽວກັບການສືບຕໍ່ເຮັດວຽກເສດຖະກິດໃຫ້ດີ. ໜຶ່ງ, ຕ້ອງສືບຕໍ່ເພີ່ມທະວີແລະປັບປຸງການດັດສົມມະຫາພາກໃຫ້ດີຂຶ້ນ, ສືບຕໍ່ຈັດຕັ້ງປະຕິບັດນະໂຍບາຍການເງິນແລະນະໂຍບາຍເງິນຕາທີ່ໝັ້ນທ່ຽງ. ສອງ, ຍຶດໝັ້ນຖືການຮັກສາຄວາມໝັ້ນທ່ຽງຂອງລະດັບລາຄາສິນຄ້າເປັນໜ້າທີ່ຕົ້ນຕໍ. ສາມ, ສືບຕໍ່ເອົາໃຈໃສ່ການຜະລິດກະສິກຳ, ພະຍາຍາມໃຫ້ໄດ້ຮັບຜົນຜະລິດຫຼາຍກວ່າເກົ່າ. ສີ່, ສືບຕໍ່ຮັບປະກັນແລະປັບປຸງຊີວິດການເປັນຢູ່ຂອງປະຊາຊົນໃຫ້ດີ ຂຶ້ນ. ຫ້າ, ຕ້ອງສືບຕໍ່ຊຸກຍູ້ການປັບປຸງອົງປະກອບເສດຖະກິດແລະຫັນປ່ຽນຮູບແບບການພັດທະນາເສດຖະກິດ. ຫົກ, ຕ້ອງສືບຕໍ່ລົງເລິກການປະຕິຮູບແລະເປີດປະຕູສູ່ພາຍນອກ, ປະດິດສ້າງກົນໄກໃໝ່ເພື່ອແກ້ໄຂຄວາມຂັດແຍ່ງອັນເລິກເຊິ່ງໃນການພັດທະນາເສດຖະກິດ, ຊຸກຍູ້ການປັບປຸງອົງປະກອບເສດຖະກິດແລະຫັນປ່ຽນຮູບແບບການພັດທະນາເສດຖະກິດ.
