ຕຳຫຼວດນອກແວຢືນຢັນວ່າ ອັນເດີສ໌ ເບຣິງ ເບຼວິກແມ່ນຜູ້ກໍ່ເຫດການລະເບີດແລະເຫດການຍິງປືນ
(GMT+08:00) 2011-07-23 18:15:06 cri
ຕາມຂ່າວCRI: ວັນທີ23ກໍລະກົດນີ້, ຕຳຫຼວດນອກແວຢືນຢັນວ່າ, ອັນເດີສ໌ ເບຣິງ ເບຼວິກແມ່ນຜູ້ກໍ່ເຫດການລະເບີດຢູ່ໃຈກາງນະຄອນຫຼວງອົສໂລແລະເຫດການຍິງປືນຢູ່ເກາະຢູໂຕຢາ, ປະຈຸບັນ, ຈຳນວນຄົນເສຍຊີວິດຈາກເຫດການໄດ້ເພີ່ມຂຶ້ນເປັນ91ຄົນ.
ວັນທີ23ກໍລະກົດນີ້, ໂຄສົກຕຳຫຼວດນອກແວໄດ້ຢືນຢັນໃນກອງປະຊຸມຂ່າວວ່າ, ເບຼວິກທີ່ມີອາຍຸ32ປີແມ່ນພວກລັດທິສາສະໜາຄຼິສຕຽນຂວາຈັດ. ວັນທີ23ກໍລະກົດນີ້, ເຈົ້າໜ້າທີ່ປ້ອງກັນຄວາມປອດໄພໄດ້ຈັບຕົວລາວຢູ່ເກາະຢູໂຕຢາ, ປະຈຸບັນຂ້ຽວເລັ່ງສອບສວນຢູ່. ຫຼັງຈາກກໍ່ເຫດການລະເບີດຢູ່ໃຈກາງນະຄອນຫຼວງອົສໂລແລ້ວ, ລາວໄດ້ແປງຕົວເປັນຕຳຫຼວດໄປຮອດເກາະຢູໂຕຢາ, ແລະເອົາອາວຸດຫຼາຍຢ່າງໄປນຳ, ຍິງປືນໃສ່ຊາວໜຸ່ມຢູ່ໃນເກາະແລະຄົນທີ່ຢາກລອຍນ້ຳໜີອອກຈາກເກາະ.
ວັນທີ23ກໍລະກົດນີ້, ທ່ານເຈັນສ ສໂຕ ເຕັນເບີກ, ນາຍົກລັດຖະມົນຕີນອກແວກ່າວວ່າ, ນີ້ແມ່ນນອກແວຖືກຫຼອນໂຈມຕີຢ່າງຮ້າຍແຮງເປັນເທື່ອທຳອິດຫຼັງສົງຄາມໂລກຄັ້ງທີສອງ. ຜູ້ກໍ່ເຫດເຮັດໃຫ້ເກາະປານສະຫວັນກາຍເປັນນາຮົກ.
