ນອກແວເກີດເຫດການລະເບີດແລະເຫດການຍິງປືນຢ່າງລຽນຕິດ
(GMT+08:00) 2011-07-23 16:54:48 cri
ຕອນບ່າຍວັນທີ22ກໍລະກົດນີ້,ຕຶກຫ້ອງການຂອງລັດຖະບານທີ່ຕັ້ງຢູ່ໃຈກາງນະຄອນຫຼວງ ອົສໂລຂອງນອກແວໄດ້ເກີດການລະເບີດຢ່າງໃຫຍ່,ເຮັດໃຫ້7ຄົນເສຍຊີວິດ,16ຄົນບາດເຈັບ,ໃນນັ້ນມີ2ຄົນບາດເຈັບສາຫັດ.ເມື່ອເກີດການລະເບີດປະມານ2ຊົ່ວໂມງ,ຢູ່ເກາະນ້ອຍແຫ່ງໜຶ່ງທີ່ຫ່າງຈາກນະຄອນຫຼວງອົສໂລໄປທິດຕາເວັນຕົກປະມານ40ກິໂລແມັດໄດ້ເກີດເຫດການຍິງປືນ,ມີຄົນຜູ່ໜຶ່ງແຕ່ງຕົວເປັນຕຳຫຼວດແລະຍິງປືນໃສ່ຄົນ,ເຮັດໃຫ້ຫຼາຍສິບຄົນເສຍຊີວິດແລະບາດເຈັບ.
ຕອນຄ່ຳວັນທີ22ກໍລະກົດນີ້,ທ່ານເຮັນສ໌ ສໂຕນເຕັນເບີກ,ນາຍົກລັດຖະມົນຕີນອກແວກ່າວວ່າ,ຈະສືບສວນຜູ່ກໍ່ເຫດການລະເບີດແລະເຫດການຍິງປືນເທື່ອນີ້,ແລະຈະລົງໂທດຜູ່ຕ້ອງໂທດຕາມກົດໝາຍ.
ວັນທີ23ກໍລະກົດນີ້,ຝ່າຍຕຳຫຼວດຂອງນອກແວເຜີຍໃຫ້ຮູ້ວ່າ,ເຫດການສອງລາຍນີ້ບໍ່ມີ ການພົວພັນກັບອົງການກໍ່ການຮ້າຍສາກົນ,ແມ່ນການຫຼອນໂຈມຕີຈາກລັດທິກໍ່ການຮ້າຍ ພາຍໃນປະເທດ.
ຝ່າຍຕຳຫຼວດກ່າວວ່າ,ຜູ່ຕ້ອງຫາແມ່ນມືປືນໃນເຫດການຍິງປືນ.ປະຈຸບັນນີ້, ຈຸດປະສົງທີ່ຜູ່ຕ້ອງຫາກໍ່ເຫດການສອງລາຍນີ້ຍັງບໍ່ຈະແຈ້ງເທື່ອ.ຕຳຫຼວດຍັງຢືນຢັນວ່າ,ຈຳນວນຜູ່ເສຍຊີວິດໃນເຫດການຍິງປືນຢູ່ເກາະນ້ອຍນັ້ນໄດ້ເພີ່ມຂຶ້ນເປັນຢ່າງໜ້ອຍ80ຄົນ.
