ທ່ານຢາງເຈຊືພົບປະກັບນາງຮິວລາຣີ,ຫວັງໃຫ້ອາເມລິກາແກ້ໄຂບັນຫາອ່ອນໄຫວທີ່ສຳຄັນຢ່າງເໝາະສົມ
(GMT+08:00) 2011-07-23 19:47:05 cri
ວັນທີ22ກໍລະກົດນີ້,ທ່ານຢາງເຈຊື,ລັດຖະມົນຕີວ່າການກະຊວງການຕ່າງປະເທດຈີນທີ່ພວມເຂົ້າຮ່ວມກອງປະຊຸມລັດຖະມົນຕີການຕ່າງປະເທດຂອງເວທີປຶກສາຫາລືພາກພື້ນອາຊຽນທີ່ຈັດຂຶ້ນຢູ່ເກາະບາຫຼີຂອງອິນໂດເນເຊຍກ່າວວ່າ,ຈີນຫວັງໃຫ້ອາເມລິກາເຄົາລົບປະຕິບັດຫຼັກການຕ່າງໆທີ່ຕົກລົງໃນປະກາດແຈ້ງການຮ່ວມສາມສະບັບຈີນອາເມລິກາແລະຖະແຫຼງການຮ່ວມຈີນອາເມລິກາ,ໂດຍສະເພາະແມ່ນຫຼັກການສຳຄັນຕ່າງໆ,ເຊັ່ນ:ເຄົາລົບເຊິ່ງກັນແລະກັນ,ສະເໝີພາບກັນແລະຕ່າງຝ່າຍຕ່າງມີຜົນປະໂຫຍດ,ບໍ່ແຊກແຊງວຽກງານພາຍໃນເຊິ່ງກັນແລະກັນ,ແກ້ໄຂບັນຫາອ່ອນໄຫວອັນສຳຄັນຢ່າງເໝາະສົມ,ຮັບປະກັນໃຫ້ການພົວພັນຈີນອາເມລິກາມີການຂະຫຍາຍຕົວຢ່າງປອດໄສແລະໝັ້ນທ່ຽງ.
ທ່ານຢາງເຈຊືແມ່ນໃຫ້ທັດສະນະດັ່ງກ່າວໃນເວລາພົບປະກັບນາງຮິວລາຣີ ຄຼິນຕັນ,ລັດ ຖະມົນຕີວ່າການກະຊວງການຕ່າງປະເທດອາເມລິກາ.ໃນການພົບປະ,ທ່ານຢາງເຈຊືໄດ້ສະແດງຫຼັກໝັ້ນຢ່າງເຄັ່ງຂຶມຂອງຈີນອີກກ່ຽວກັບຜູ່ນຳອາເມລິກາພົບປະກັບດາລາລາມະ.ໃນ ເວລາກ່າວເຖິງບັນຫາທະເລຈີນໃຕ້,ທ່ານຢາງເຈຊືກ່າວວ່າ,ຈີນແລະປະເທດອາຊຽນຫາກໍ່ ຜ່ານຮັບຮອງທິດທາງປະຕິບັດ"ຖະແຫຼງການດຳເນີນງານຂອງຝ່າຍຕ່າງໆໃນບັນຫາທະເລຈີນໃຕ້",ເຊິ່ງໄດ້ສ້າງພື້ນຖານໃຫ້ແກ່ການຮ່ວມມືຢ່າງແທ້ຈິງຢູ່ເຂດທະເລຈີນໃຕ້,ກໍ່ພິສູດໃຫ້ເຫັນວ່າ,ຈີນກັບປະເທດອາຊຽນມີຄວາມສາມາດແລະສະຕິປັນຍາທີ່ຈະແກ້ໄຂຄວາມຂັດແຍ່ງກັນໄດ້.ທ່ານຢາງເຈຊືຊີ້ອອກວ່າ,ເສລີພາບແລະຄວາມປອດໄພດ້ານການເດີນເຮືອຢູ່ເຂດທະເລຈີນໃຕ້ບໍ່ໄດ້ຖືກຂົ່ມຂູ່ຈັກເທື່ອ,ຈີນສຸມກຳລັງເຂົ້າໃນການປົກ ປ້ອງເສລີພາບແລະຄວາມປອດໄພດ້ານການເດີນເຮືອຢູ່ເຂດທະເລຈີນໃຕ້ໂດຍຕະຫຼອດ.
ນາງຮິວລາຣີກ່າວວ່າ,ອາເມລິກາຮູ້ຈັກຄວາມອ່ອນໄຫວຂອງບັນຫາຕິເບດແລະບັນຫາໄຕ້ຫວັນ,ຍິນດີກ່າວລື້ມຫຼັກການອັນສະເໝີຕົ້ນສະເໝີປາຍຂອງຕົນທີ່ປະຕິບັດນະໂຍບາຍປະເທດຈີນດຽວແລະໂຄລົບອະທິປະໄຕແລະຜືນແຜ່ນດິນອັນຄົບຖ້ວນຂອງຈີນ.ເຫັນດີເຫັນພ້ອມທີ່ເຮັດໃຫ້ສອງຝ່າຍພິຈາລະນາເຖິງການພົວພັນຂອງສອງປະເທດ,ເປີດກວ້າງການ ຮ່ວມມື,ຫຼຸດຄວາມຂັດແຍ່ງກັນໃຫ້ໜ້ອຍລົງ,ແລະເພີ່ມການແລກປ່ຽນໃນບັນຫາທີ່ສອງຝ່າຍສົນໃຈຮ່ວມກັນ.ນາງຮິວລາຣີຍັງຕີລາຄາຢ່າງຕັ້ງໜ້າຕໍ່ຈີນແລະປະເທດອາຊຽນທີ່ໄດ້ບັນລຸຄວາມເຫັນທີ່ເປັນເອກະສັນກັນກ່ຽວກັບທິດທາງປະຕິບັດ"ຖະແຫຼງການດຳເນີນງານຂອງຝ່າຍຕ່າງໆໃນບັນຫາທະເລຈີນໃຕ້".ນາງກ່າວວ່າ,ອາເມລິກາຮູ້ຈັກວ່າບັນຫາທະເລຈີນໃຕ້ແມ່ນສັບສົນທີ່ສຸດ,ບໍ່ມີຫຼັກໝັ້ນຕໍ່ຄວາມຂັດແຍ່ງກັນດ້ານອະທິປະໄຕຂອງທະເລຈີນໃຕ້,ບໍ່ມີຈຸດປະສົງທີ່ແຊກແຊງເຂົ້າໃນບັນຫານີ້,ແລະບໍ່ມີຈຸດປະສົງເຮັດໃຫ້ບັນຫານີ້ກາຍເປັນບັນຫາລະຫວ່າງຈີນກັບອາເມລິກາ.ອາເມລິກາສະໜັບສະໜູນມາດຕະການທີ່ມີຜົນດີຕໍ່ການຜ່ອນຄາຍສະຖານະການ.
