ລັດຖະມົນຕີການຕ່າງປະເທດຈີນເຂົ້າຮ່ວມການປຶກສາຫາລືຂອງລັດຖະມົນຕີການຕ່າງປະເທດຂອງກອງປະຊຸມສຸດຍອດອາຊີຕາເວັນອອກແລະກ່າວຄຳປາໄສ
(GMT+08:00) 2011-07-23 19:55:00 cri
ຕາມຂ່າວCRI:ວັນທີ22ກໍລະກົດນີ້,ທ່ານຢາງເຈຊື,ລັດຖະມົນຕີວ່າການກະຊວງການຕ່າງ ປະເທດຈີນໄດ້ເຂົ້າຮ່ວມການປຶກສາຫາລືຂອງລັດຖະມົນຕີການຕ່າງປະເທດຂອງກອງປະ ຊຸມສຸດຍອດອາຊີຕາເວັນອອກທີ່ຈັດຂຶ້ນຢູ່ເກາະບາຫຼີຂອງອິນໂດເນເຊຍແລະກ່າວຄຳປາໄສ.
ທ່ານຢາງເຈຊື່ກ່າວວ່າ,ເມື່ອກອງປະຊຸມສຸດຍອດອາຊີຕາເວັນອອກສ້າງຕັ້ງຂຶ້ນ5ປີປາຍ ມານີ້,ໄດ້ແລກປ່ຽນຄວາມເຫັນຢ່າງກວ້າງຂວາງກ່ຽວກັບບັນຫາຍຸດທະສາດອັນສຳຄັນຂອງພາກພື້ນແລະຂອງໂລກ,ຄື:ວິກິດການການເງິນສາກົນ,ສາທາລະນະສຸກແລະຕ້ານໄພກູ້ໄພເປັນຕົ້ນ,ລົງເລິກຄວາມເຂົ້າໃຈກັນລະຫວ່າງປະເທດຕ່າງໆ,ຊຸກຍູ້ການຮ່ວມມືລະ ຫວ່າງສອງປະເທດແລະຫຼາຍປະເທດແລະການພັດທະນາຂອງພາກພື້ນແຫ່ງນີ້.ການເຂົ້າ ຮ່ວມຂອງຣັດເຊຍແລະອາເມລິກາຈະສ້າງຄວາມໝາຍຍຸດທະສາດອັນກວ້າງຂວາງກວ່າເກົ່າໃຫ້ກອງປະຊຸມນີ້,ຈີນຫວັງວ່າ,ກອງປະຊຸມສຸດຍອດອາຊີຕາເວັນອອກທີ່ສະມາຊິກເພີ່ມຫຼາຍຂຶ້ນຈະຍຶດໝັ້ນລັກສະນະທາດແທ້ທີ່ເປັນເວທີຍຸດທະສາດທີ່ນຳພາໂດຍຜູ່ນຳ,ປະ ກອບສ່ວນຫຼາຍກວ່າເກົ່າເຂົ້າໃນສັນຕິພາບ,ສະຖຽນລະພາບແລະຄວາມຈະເລີນຂອງອາຊີຕາເວັນອອກ.
ທ່ານຢາງເຈຊືຊີ້ອອກວ່າ,ການພັດທະນາໃນອະນາຄົດຂອງກອງປະຊຸມສຸດຍອດອາຊີຕາເວັນອອກຄວນເຮັດວຽກສີ່ດ້ານດັ່ງນີ້ເປັນຢ່າງດີ,ຄື:ໜຶ່ງ,ໝູນອ້ອມຫົວຂໍ້ການພັດທະນາຢ່າງແໜ້ນແຟ້ນໂດຍຕະຫຼອດ;ສອງ,ສຸມກຳລັງເຂົ້າໃນການເພີ່ມຄວາມສາມັກຄີແລະຄວາມໄວ້ເນື້ອເຊື່ອໃຈກັນ.ອອກແຮງບຳລຸງສ້າງແລະປະຕິບັດທັດສະນະຄວາມປອດໄພອັນໃໝ່,ຫຼີກເວັ້ນບໍ່ໃຫ້ພົວພັນເຖິງບັນຫາພາຍໃນປະເທດໃດໜຶ່ງແລະບັນຫາທີ່ມີຄວາມຂັດແຍ່ງກັນອັນລະອຽດລະຫວ່າງປະເທດຕ່າງໆ;ສາມ,ຄວບຄຸມຈັງຫວະເປັນຢ່າງດີ,ຊຸກຍູ້ໃຫ້ກອງປະຊຸມສຸດຍອດມີການຂະຫຍາຍຕົວຢ່າງໝັ້ນທ່ຽງ;ສີ່,ຮັກສາການເປີດປະຕູ,ເຮັດໃຫ້ກອງປະຊຸມສຸດຍອດອາຊີຕາເວັນອອກກັບກົນໄກຮ່ວມມືອື່ນໆຮ່ວມກັນພັດທະນາຢ່າງປະສານ ສົມທົບກັນ.
ລັດຖະມົນຕີວ່າການກະຊວງການຕ່າງປະເທດຂອງປະເທດຕ່າງໆທີ່ເຂົ້າຮ່ວມການປຶກສາ ຫາລືສະແດງຄວາມຊົມເຊີຍຕໍ່ລັດຖະມົນຕີວ່າການກະຊວງການຕ່າງປະເທດຂອງອາເມລິ ກາແລະຣັດເຊຍທີ່ໄດ້ເຂົ້າຮ່ວມການປຶກສາຫາລືເປັນຄັ້ງທຳອິດ.ຝ່າຍຕ່າງໆໄດ້ຫວນຄືນການຮ່ວມມືໃນກອງປະຊຸມສຸດຍອດອາຊີຕາເວັນອອກ,ແລະໄດ້ແລກປ່ຽນຄວາມເຫັນຢ່າງເຕັມສ່ວນກ່ຽວກັບທິດຂະຫຍາຍຕົວໃນອະນາຄົດ.ບັນດາຝ່າຍຫວັງວ່າຈະວາງແຜນແລະກະກຽມກອງປະຊຸມສຸດຍອດອາຊີຕາເວັນອອກຄັ້ງທີ6ຢ່າງຕັ້ງໜ້າ,ເພື່ອຮັບປະກັນໃຫ້ກອງປະຊຸມສຸດຍອດຄັ້ງນີ້ໄດ້ຮັບຜົນສຳເລັດ.
