ກວາງຊີສ້າງຕັ້ງສູນທຸລະກິດຊຳລະບັນຊີການຄ້າຂ້າມແດນຈີນ-ອາຊຽນ
(GMT+08:00) 2011-07-27 17:26:08 cri
ຕາມຂ່າວສານຈີນ,ທະນາຄານອ່າວເປີຍປູ້ກວາງຊີຈີນແລະທະນາຄານການຄ້າໃຫຍ່ທີ່ສຸດຂອງລາວຄືທະນາຄານການຄ້າຕ່າງປະເທດລາວໄດ້ລົງນາມໃນບົດບັນທຶກຄວາມເຂົ້າໃຈການຮ່ວມມື ໃນວັນທີ26ກໍລະກົດນີ້ ຢູ່ນະຄອນນານນິງ ເທດສະບານເຂດປົກຄອງຕົນເອງເຜົ່າຈວ້າງກວາງຊີຂອງຈີນ.ເນື້ອໃນບົດບັນທຶກຊີ້ອອກວ່າສອງຝ່າຍສຸມທຸກກຳລັງຄວາມສາມາດເຂົ້າໃນການຊຸກຍູ້ການຮ່ວມມືຫຼາຍດ້ານເຊັ່ນທຸລະກິດຊຳລະບັນຊີລະຫວ່າງຊາດ,ທຸລະກິດແລກປ່ຽນເງິນຕາດັ່ງນີ້ເປັນຕົ້ນ.ຜູ່ວ່າການທະນາຄານການຄ້າຕ່າງປະເທດລາວກ່າວວ່າ,ເງິນຢວນຈີນຫັນເປັນເງິນຕາສາກົນມີອະນາຄົດອັນສົດໃສ.
ທະນາຄານອ່າວເປີຍປູ້ກວາງຊີມີແຜນຈະເປີດການນຳໃຊ້ສູນທຸລະກິດຊຳລະບັນຊີການຄ້າຂ້າມແດນຈີນ-ອາຊຽນຢ່າງເປັນທາງການໃນເດືອນຕຸລາປີນີ້,ຊຸກຍູ້ການຮ່ວມມືໃນການແລກປ່ຽນເງິນຢວນກັບເງິນຕາອາຊີອາຄະເນ.ຕາມແຜນການແລ້ວ,ປີນີ້,ຈະຮ່ວມມືກັບທະນາຄານຂອງລາວ,ຫວຽດນາມແລະກຳປູເຈຍໃນດ້ານທຸລະກິດແລກປ່ຽນເງິນຕາແລະຍັງຈະຂະຫຍາຍຕາໜ່າງທະນາຄານໄປທົ່ວພາກພື້ນອາຊີຕາເວັນອອກສຽງໃຕ້.
ວັນທີ28ມິຖຸນາປີນີ້ໄດ້ຈັດພິທີແຂວນປ້າຍສູນທຸລະກິດຊຳລະບັນຊີການຄ້າຂ້າມແດນດ້ວຍເງິນຢວນຈີນ-ອາຊຽນຂອງທະນາຄານອຸດສາຫະກຳການຄ້າຈີນຢູ່ນະຄອນນານນິງ.
