ຈີນຮັກສາຄວາມອົດກັ້ນແລະສຸຂຸມຮອບຄອບໃນບັນຫາທະເລຈີນໃຕ້ໂດຍຕະຫຼອດ
(GMT+08:00) 2011-07-28 14:39:02 cri
ຕາມຂ່າວສານຈີນ:ວັນທີ27ກໍລະກົດນີ້,ໃນກອງປະຊຸມຂ່າວປະຈຳ,ທ່ານເກີງຢ້ຽນເຊີ່ງ,ໂຄສົກຖະແຫຼງຂ່າວກະຊວງປ້ອງກັນປະເທດຈີນກ່າວວ່າ,ຫວ່າງມໍ່ມານີ້,ມີສື່ມວນຊົນຕ່າງປະເທດລາຍງານວ່າ,ກຳປັ່ນຍົນຮົບແລະບຸກຄົນຂອງກອງທັບຈີນໄດ້ຂັບໄລ່ເຮືອປະມົງແລະຊາວປະມົງຕ່າງປະເທດຢູ່ທະເລຈີນໃຕ້,ນີ້ແມ່ນຖ້ອຍຄວາມທີ່ເສກສັນປັ້ນແຕ່ງຂຶ້ນມາໂດຍບໍ່ມີມູນຄວາມຈິງຫຍັງເລີຍ.ກະຊວງການຕ່າງປະເທດຈີນໄດ້ສະແດງອອກຢ່າງຈະແຈ້ງເຖິງທັດສະນະຫຼັກໝັ້ນຂອງຕົນກ່ຽວກັບສະພາບການກວດກາລາດຕະເວນແລະປະຕິບັດກົດໝາຍເປັນປະ ຈຳຢູ່ເຂດທະເລຈີນໃຕ້ແລ້ວ.
ທ່ານເກີງຢ້ຽນເຊີ່ງກ່າວເນັ້ນວ່າ,ຈີນມີເຈດຈຳນົງຕະຫຼອດແລະຈະແຈ້ງໃນບັນຫາທະເລຈີນໃຕ້, ຈີນມີອະທິປະໄຕໃນໝູ່ເກາະຕ່າງໆຢູ່ເຂດທະເລຈີນໃຕ້ແລະເຂດທະເລອ້ອມແອ້ມ,ໂດຍທີ່ບໍ່ມີປະເທດໃດຖົກຖຽງໄດ້.ຈີນມີເຈດຈຳນົງໃຫ້ແກ້ໄຂຄວາມຂັດແຍ່ງກັນກ່ຽວກັບບັນຫາທະເລຈີນໃຕ້ດ້ວຍສັນຕິວິທີ,ແລະກໍ່ໄດ້ຮັກສາຄວາມອົດກັ້ນແລະສຸຂຸມຮອບຄອບຢ່າງສະເໝີຕົ້ນສະເໝີປາຍ.ຈີນຫວັງໃຫ້ຝ່າຍທີ່ກ່ຽວຂ້ອງຈະມີການກິລິຍາວາຈາຢ່າງສຸຂຸມຮອບຄອບ,ຄວນສ້າງແຕ່ ເລື່ອງທີ່ມີຜົນດີຕໍ່ການປົກປັກຮັກສາສັນຕິພາບ,ສະຖຽນລະພາບຂອງເຂດທະເລຈີນໃຕ້.
