ເຄື່ອງດຳນ້ຳບັນທຸກຄົນ"ຈ່ຽວຫຼົງ"ຂອງຈີນດຳເນີນການທົດລອງດຳນ້ຳ5ພັນແມັດເທື່ອທີ4
(GMT+08:00) 2011-07-31 18:29:02 cri
ວັນທີ30ກໍລະກົດນີ້,ໜ່ວຍນຳພາການທົດລອງດຳນ້ຳຢູ່5ພັນແມັດຂອງເຄື່ອງດຳນ້ຳບັນທຸກຄົນ"ຈ່ຽວຫຼົງ"ຂອງກົມທະເລແຫ່ງຊາດຈີນເຜີຍໃຫ້ຮູ້ວ່າ,ເວລາ13ໂມງຂອງວັນທີ30ກໍລະກົດນີ້ເວລາປັກກິ່ງ,ເຄື່ອງດຳນ້ຳບັນທຸກຄົນ"ຈ່ຽວຫຼົງ"ໄດ້ສຳເລັດການທົດລອງດຳນ້ຳ5ພັນແມັດເທື່ອທີ4,ພາຍຫຼັງວາງເຄື່ອງສັນຍາລັກຢູ່ພື້ນທະເລແລ້ວໄດ້ກັບຄືນເຮືອ"ຊ້ຽງຢາງຮົງເລກ09"ເຊິ່ງເປັນເຮືອບັນທຸກຢ່າງສະດວກ.ການທົດລອງດຳນ້ຳທີ່ດຳເນີນເປັນເວລາເກືອບ9ຊົ່ວໂມງເທື່ອນີ້ໄດ້ຮັບຜົນສຳເລັດຢ່າງຈົບງາມ.
ການທົດລອງດຳນ້ຳເທື່ອນີ້,ໄດ້ດຳເນີນການທົດລອງຫຼາຍຢ່າງ,ເຊັ່ນ:ເກັບເອົາຕົວຢ່າງຊີວະຊາດແລະທົດລອງໄລຍະຍາວຂອງສານຂອງສຽງໃນນ້ຳເປັນຕົ້ນ,ໄດ້ຖ່າຍຮູບຊີວະຊາດຈຳນວນຫຼວງຫຼາຍແລະວາງເຄື່ອງສັນຍາລັກຢູ່ພື້ນທະເລ,ເຊິ່ງໄດ້ຢືນຢັນຄວາມສາມາດແລະຄວາມໝັ້ນທ່ຽງຂອງເຄື່ອງດຳນ້ຳຢູ່ບ່ອນນ້ຳເລິກ.
ເຄື່ອງດຳນ້ຳບັນທຸກຄົນ"ຈ່ຽວຫຼົງ"ດຳນ້ຳລົງຮອດລະດັບນ້ຳເລິກ5ພັນແມັດຢ່າງສຳເລັດຜົນສະແດງໃຫ້ເຫັນວ່າ,ຈີນມີຄວາມສາມາດດຳເນີນການຄົ້ນຄວ້າຢູ່ບ່ອນເລິກຂອງທະເລທີ່ກວມ70%ຂອງເນື້ອທີ່ທັງໝົດຂອງໂລກ,ກໍ່ໄດ້ສ້າງພື້ນຖານໃຫ້ແກ່ຈີນທີ່ຈະດຳເນີນການທົດລອງດຳນ້ຳ7ພັນແມັດໃນປີ2012,ເຊິ່ງເປັນສະຖິຕິຂອງໂລກ.
