ທ່ານເກລີ ຟາຢາ ໂລເກີ,ເອກອັກຄະລັດຖະທູດອາເມລິກາເຊື້ອສາຍຈີນທີ່ປະຈໍາຈີນຜູ້ທໍາອິດໄດ້ສະບານຕົວຂຶ້ນຮັບຕໍາແໜ່ງຢ່າງເປັນທາງການໃນວັນທີ1ສິງຫານີ້ຢູ່ວໍຊິງຕັນ. ທ່ານໃຫ້ຄໍາໝັ້ນສັນຍາວ່າ,ຈະສຸມກໍາລັງເພື່ອລົງເລິກການຮ່ວມມືລະຫວ່າງຈີນກັບອາເມລິກາ,ທໍາຄວາມພະຍາຍາມເຂົ້າໃນການສ້າງການພົວພັນຈີນອາເມລິກາທີ່ຕັ້ງໜ້າ,ຮ່ວມມືກັນແລະຮອບດ້ານ.
ທ່ານເກລີ ຟາຢາ ໂລເກີກ່າວວ່າ, ສໍາລັບສິ່ງທ້າທາຍແລະຄວາມຂັດແຍ່ງລະຫວ່າງຈີນອາເມລິກາ, ທ່ານຈະພະຍາຍາມຮັກສາຊ່ອງທາງສື່ສານທີ່ດີ, ເຜີຍແຜ່ຫລັກໝັ້ນຂອງລັດຖະບານອາເມລິກາຢ່າງຈະແຈ້ງ, ຕິດຕໍ່ພົວພັນກັບເຈົ້າໜ້າສູງສຸດຂອງລັດຖະບານຈີນ,ພ້ອມກັນນັ້ນ, ຍັງຈະພະຍາຍາມຫລາຍກວ່າເກົ່າໃກ້ຊິດກັບປະຊາຊົນຈີນໂດຍກົງ, ເພື່ອຊ່ວຍເຫລືອປະຊາຊົນສອງຊາດເພີ່ມຄວາມເຂົ້າໃຈກັນ.
