ວັນທີ2ສິງຫານີ້, ທະນາຄານພັດທະນາອາຊີໄດ້ເຜີຍແຜ່ບົດລາຍງານທີ່ມີຫົວຂໍ້ວ່າ, "ອາຊີໃນປີ2050:ສະໄໝອາຊີຈະມາຮອດ", ບົດລາຍງານຂຽນວ່າ, ຄົນອາຊີອາດຈະຮັ່ງມີໃນກາງສະຕະວັດນີ້ຄືກັນກັບຄົນເອີລົບ, ແຕ່ກ່ອນໜ້ານີ້, ຈໍາເປັນຕ້ອງຜ່ານຜ່າບາງສິ່ງທ້າທາຍສໍາຄັນ,ລວມທັງບັນຫາຄວາມຜິດໂຕນກັນລະຫວ່າງຄວາມທຸກກັບຄວາມຮັ່ງ,ການສໍ້ຫລາດບັງຫລວງ ,ແລະການປ່ຽນແປງຂອງດິນຟ້າອາກາດ.
ບົດລາຍງານຂຽນວ່າ, ອາຊີມີຄວາມຈະເລີນແລະການເຕີບໂຕໃນຫລາຍສິບປີມາແລ້ວ, ແມ່ນໄດ້ຮັບການນໍາພາຈາກ7ອົງກອນເສດຖະກິດຊຶ່ງທັງໝົດມີປະຊາກອນຫລາຍກວ່າ3ຕື້ຄົນເຊັ່ນ, ຈີນ, ອິນເດຍ,ຍີ່ປຸ່ນ,ສ.ເກົາຫລີແລະອື່ນໆ. ອີງຕາມທ່າອ່ຽງຂອງການພັດທະນາໃນປະຈຸບັນ, ໃນປີ2050,ມູນຄ່າຜະລິດຕະພັນທາງດ້ານເສດຖະກິດຂອງອາຊີຈະກວມ50%ຂອງໂລກ, ປະຊາຊົນ3ຕື້ຄົນໃນອາຊີຈະກາຍເປັນຄົນຮັ່ງມີ, ລາຍໄດ້ຂອງເຂົາເຈົ້າຈະເທົ່າທຽມກັບຄົນເອີລົບ. ບົດລາຍງານຍັງຂຽນວ່າ, ເພື່ອຮັບປະກັນຄວາມຈະເລີນຂອງອາຊີສາມາດຍືນຍົງຄົງຕົວໄດ້, ປະເທດຕ່າງໆຈໍາເປັນຕ້ອງຮຽນເອົາບົດຮຽນທີ່ສໍາເລັດຜົນຂອງຍີ່ປຸ່ນ,ສ.ເກົາຫລີແລະສິງກະໂປ, ລິເລີ່ມການເຕີບໂຕທີ່ທຸກຄົນສາມາດຮັບຜົນປະໂຫຍດນໍາກັນແລະຍຸດຕິທໍາ.
