ຕາມຂ່າວສານຊິນຮວາ:ຕອນບ່າຍວັນທີ2 ສິງຫານີ້, ຄະນະກຳມະການຈັດຕັ້ງງານກິລານັກສຶກສາໂລກເຊິ່ນເຈິ້ນລາຍງານໃຫ້ຊາບວ່າ,ຮອດ18ໂມງຂອງວັນທີ1 ສິງຫານີ້,ຄະນະກຳມະການຈັດຕັ້ງງານກິລານັກສຶກສາໂລກເຊິ່ນເຈິ້ນໄດ້ຂຶ້ນທະບຽນຄະນະນັກກິລາທີ່ຈະເຂົ້າຮ່ວມແຂ່ງຂັນເຖິງ152ຄະນະ,ມີຈຳນວນຄົນທີ່ຂຶ້ນທະບຽນທັງໝົດຫຼາຍກວ່າ1ໝື່ນ2ພັນຄົນ,ໃນນັ້ນມີນັກກິລາປະມານ8000ຄົນ,ເຈົ້າໜ້າທີ່ນຳ4042ຄົນ.
ອີງຕາມທ່ານນາງພ່ານສຽວຮຸ້ຍ ໂຄສົກຂອງຄະນະກຳມະການງຈັດຕັ້ງງານກິລານັກສຶກສາໂລກແຈ້ງວ່າ,ຄະນະນັກກິລາຈີນໄດ້ສ້າງຕັ້ງຂຶ້ນຢູ່ມະຫາວິທະຍາໄລປັກກິ່ງໃນຕອນເຊົ້າວັນທີ1 ສິງຫານີ້,ມີທັງໝົດມີ804ຄົນ,ໃນນັ້ນມີນັກກິລາ505ຄົນ,ມີຈຳນວນຄົນຫຼາຍທີ່ສຸດເປັນອັນດັບໜຶ່ງ.ຮອງລົງມາແມ່ນຄະນະນັກກິລາຈາກຣັດເຊຍແລະຍີ່ປຸ່ນຕາມລຳດັບ.
ທ່ານນາງພ່ານສຽວຮຸ້ຍຍັງແຈ້ງໃຫ້ຮູ້ອີກວ່າ:ມາຮອດວັນທີ27 ກໍລະກົດແລ້ວນີ້,ມີນັກຂ່າວທັງໝົດ3121ຄົນທີ່ມາຈາກສະຖາບັນສື່ມວນຊົນ323ແຫ່ງໃນທົ່ວໂລກໄດ້ຍຶ່ນຄຳຮ້ອງຂໍຂຶ້ນທະບຽນເຂົ້າລາຍງານຂ່າວຜົນການແຂ່ງຂັນໃນງານກິລານັກສຶກສາໂລກເຊິ່ນເຈິ້ນຄັ້ງນີ້.
