ຄະນະຜູ້ແທນອະດີດເອກອັກຄະລັດຖະທູດ,ກົງສຸນໃຫຍ່ລາວປະຈໍາຈີນທີ່ນໍາພາໂດຍທ່ານພົງສະຫວັດ ບຸບຜາ,ລັດຖະມົນຕີປະຈໍາສໍານັກງານປະທານປະເທດ, ອະດີດເອກອັກຄະລັດຖະທູດລາວປະຈໍາຈີນໄດ້ເດີນທາງກັບຄືນປະເທດແລ້ວ,ພາຍຫລັງສໍາເລັດການຢ້ຽມຢາມຈີນໃນວັນທີ3ສິງຫານີ້.
ຈີນລາວໄດ້ສ້າງຕັ້ງການພົວພັນທາງການທູດຮ່ວມກັນໃນວັນທີ25ເມສາປີ1961. ປະຕິບັດຕາມແຜນການຈັດກິດຈະກໍາສະເຫລີມສະຫລອງຈີນລາວສ້າງຕັ້ງການພົວພັນທາງການທູດຄົບຮອບ50ປີທີ່ສອງຝ່າຍຕົກລົງກັນນັ້ນ, ນັບແຕ່ຕົ້ນປີນີ້ມາ, ສອງຝ່າຍໄດ້ຈັດກິດຈະກໍາຕ່າງໆຂຶ້ນຢ່າງຫລວງຫລາຍ. ການທີ່ຄະນະຜູ້ແທນອະດີດເອກອັກຄະລັດຖະທູດ,ກົງສຸນໃຫຍ່ລາວປະຈໍາຈີນເດີນທາງຢ້ຽມຢາມຈີນຄັ້ງນີ້ກໍ່ແມ່ນພາກສ່ວນໜຶ່ງທີ່ສໍາຄັນຂອງແຜນການກິດຈະກໍາດັ່ງກ່າວ.
ນອກຈາກນະຄອນຫລວງປັກກິ່ງແລ້ວ,ຄະນະຜູ້ແທນດັ່ງກ່າວຍັງໄດ້ຢ້ຽມຢາມແຂວງເຮີນານແລະແຂວງຢູນນານ.
