ລັດຖະບານຈີນຮຽກຮ້ອງໃຫ້ເຮັດວຽກງານເປີດເຜີຍເຫດການສຸກເສີນອັນສຳຄັນໃຫ້ດີ
(GMT+08:00) 2011-08-04 17:30:33 cri
ຫວ່າງມໍ່ໆມານີ້,ຫ້ອງວ່າການສູນກາງພັກຄອມມູນິດຈີນ,ຫ້ອງວ່າການລັດຖະບານຈີນໄດ້ ພິມເອກະສານສະບັບນຶ່ງທີ່ພາດຫົວເລື່ອງວ່າ"ຄວາມເຫັນກ່ຽວກັບການລົງເລິກການເປີດເຜີຍວຽກງານບໍລິຫານແລະເພີ່ມທະວີການບໍລິການດ້ານການບໍລິຫານ",ສະເໜີອອກວ່າ,ຈະເອົາໃຈໃສ່ວຽກງານເປີດເຜີຍເຫດການສຸກເສີນອັນສຳຄັນແລະບັນຫາທີ່ປະຊາຊົນມີຄວາມສົນໃຈ.
ເອກະສານສະບັບນີ້ໄດ້ໃຫ້ຄຳຕອບກ່ຽວກັບເຫດການຈຸດສຸມຫຼາຍຢ່າງທີ່ເກີດຂຶ້ນຢູ່ຈີນໃນຫວ່າງມໍ່ມານີ້,ສະເໜີອອກວ່າ,ຄວນປະດິດສ້າງວິທີໃໝ່ແລະຮູບການໃໝ່ທີ່ເປີດເຜີຍວຽກງານບໍລິຫານ,ຍຶດໝັ້ນຫຼັກການທີ່ເຮັດໃຫ້ປະຊາຊົນຮັບຮູ້ຄວາມເປັນຈິງແລະຕິດຕາມກວດກາຢ່າງງ່າຍແລະສະດວກ,ເປີດກວ້າງຂົງເຂດວຽກງານຕ່າງໆ,ລົງເລິກເນື້ອໃນທີ່ເປີດເຜີຍ,ຊຸກຍູ້ໃຫ້ລັດຖະບານປະດິດສ້າງການປັບປຸງຕົນເອງແລະຄຸ້ມຄອງຕົນເອງ.ຍຶດໝັ້ນໃນຫຼັກການຖາມຄວາມຄິດເຫັນຈາກປະຊາຊົນກ່ຽວກັບການບໍລິຫານເປັນແນວໃດ,ຖາມປະຊາຊົນມີຄວາມຮຽກຮ້ອງຕ້ອງການຫຍັງ,ແລະປະຊາຊົນມີວິທີປັບປຸງແນວໃດ,ເຮັດໃຫ້ຊ່ອງທາງການຕິດຕໍ່ພົວພັນລະຫວ່າງລັດຖະບານກັບປະຊາຊົນລຸລ່ວງແລະສະດວກ.
