ວັນທີ 3 ສິງຫານີ້, ທ່ານໂຮສນີ ມູບາລັກ ອະດີດປະທານາທິບໍດີຂອງເອຢິບໄດ້ອອກຈາກໂຮງໝໍສາກົນຊາມ ອັນເຊເຮີເດີນທາງດ້ວຍຍົນເຮລີກົບແຕໄປນະຄອນຫຼວງໂລແກ,ເພື່ອຮັບການສອບສວນຢູ່ໂຮງຮຽນຕຳຫຼວດເລີແກ.
ຮູບວິດີໂອຂອງໂທລະພາບແຫ່ງຊາດເອຢິບສະແດງໃຫ້ເຫັນວ່າ, ທ່ານມູບາລັກ ພ້ອມທັງລູກຊາຍສອງຄົນຂອງທ່ານ, ທ່ານຮາບິບ ອັດລີ ອະດີດລັດຖະມົນຕີວ່າການກະຊວງພາຍໃນເອຢິບ ແລະ ເຈົ້າໜ້າທີ່ຕຳຫຼວດ 6 ຄົນ ລວມເປັນ 10 ຄົນຖືກກັກຂັງຢູ່ຮ່ວມກັນ, ກ່ອນທ່ານມູບາລັກຈະເດີນທາງມາຮອດ, ກຸ່ມຜູ່ສະໜັບສະໜູນແລະຜູ່ຄັດຄ້ານທ່ານມູບາຣັກມີການປະທະກັນຢູ່ນອກສານ,ດ້ວຍການແກວ່ງກ້ອນຫີນໃສ່ກັນ,ຕຳຫຼວດພັນກວ່າຄົນໄດ້ເຂົ້າຄວບຄຸມສະຖານະການໃຫ້ເຂົ້າສູ່ຄວາມສະຫງົບ.
ການສອບສວນເລິ່ມແຕ່ເວລາ 10 ໂມງເຊົ້າ ຕາມເວລາທ້ອງຖິ່ນ. ທ່ານມູບາລັກມີຂໍ້ຫາກ່ຽວກັບການໃຊ້ອຳນາດໄປໃນທາງທີ່ບໍ່ຖືກຕ້ອງເພື່ອສະແຫວງຫາຜົນປະໂຫຍດສ່ວນຕົວແລະ ສັ່ງໃຫ້ຍິງປືນໃສ່ຜູ່ປະທ້ວງໃນເວລາທີ່ປະຊາຊົນຈັດການປະທ້ວງ.
