ຕາມຂ່າວສານຊິນຮວາ: ວັນທີ 5 ສິງຫານີ້, ໃນກອງປະຊຸມເທື່ອທີສອງຂອງສະພາຜູ່ແທນລາຊະດອນຊຸດທີ 24ຂອງໄທ,ທ່ານນາງຍິ່ງລັກ ຊິນນະວັດ ຜູ່ສະໝັກຮັບເລືອກຕັ້ງນາຍົກລັດຖະມົນຕີຂອງພັກເພື່ອໄທໄດ້ຮັບເລືອກຕັ້ງເປັນນາຍົກລັດຖະມົນຕີຜູ່ທີ 28 ຂອງໄທ, ແລະກາຍເປັນນາຍົກລັດຖະມົນຕີຜູ້ຍິງຜູ່ທຳອິດໃນປະຫວັດສາດຂອງໄທ.
ໃນເວລາໃຫ້ສຳພາດຕໍ່ນັກຂ່າວຫຼັງການເລືອກຕັ້ງ, ທ່ານນາງຍິ່ງລັກກ່າວວ່າ, ກ່ອນອື່ນໝົດ,ລັດຖະບານຊຸດໃໝ່ຈະແກ້ໄຂບັນຫາຕ່າງໆທີ່ປະເຊີນໜ້າ, ຢູ່ໃນປະຈຸບັນນີ້ຕ້ອງການໃຫ້ປະຊາຊົນມີຄວາມສາມັກຄີ ແລະເປັນນ້ຳໜຶ່ງໃຈດຽວກັນ.
ໃນດ້ານຂັ້ນຕອນທາງກົດໝາຍ, ທ່ານນາງຍິ່ງລັກຈະດຳລົງຕຳແໜ່ງເປັນນາຍົກລັດຖະມົນຕີນັ້ນຍັງຕ້ອງໄດ້ຜ່ານການອະນຸມັດຂອງສົມເດັດພູມິພົນ ອະດຸນຍະເດດ ເຈົ້າຊີວິດຂອງໄທ. ແລະຄາດວ່າຄະນະລັດຖະບານຊຸດໃໝ່ຈະໄດ້ຮັບການສ້າງຕັ້ງຂຶ້ນໃນກາງເດືອນສິງຫານີ້.
