ກຸ່ມ7ປະເທດອອກຖະແຫຼງການຮ່ວມວ່າ,ຈະຮັບປະກັນໃຫ້ການເງິນມີຄວາມໝັ້ນທ່ຽງແລະເສດຖະກິດຮັກສາການເຕີບໂຕ
(GMT+08:00) 2011-08-08 15:42:59 cri
ເມື່ອບໍລິສັດສະແຕນດາດ ແອນດ໌ ປົວ ເຣດຕິງ ເຊີວິສ,ເຊິ່ງເປັນອົງການປະເມີນລະດັບຄວາມໜ້າເຊື່ອຖືສາກົນໄດ້ຫຼຸດລະດັບຄວາມໜ້າເຊື່ອຖືໃນການຊຳລະໜີ້ຂອງລັດຖະບານອາເມລິກາຈາກລະດັບAAAຫຼຸດລົງຮອດAA+ແລ້ວ,ລັດຖະມົນຕີວ່າການກະຊວງການເງິນແລະຜູ່ວ່າການທະນາຄານກາງຂອງກຸ່ມ7ປະເທດໄດ້ອອກຖະແຫຼງການຮ່ວມກ່ອນໄຂຕະຫຼາດຫຸ້ນອາຊີໃນວັນທີ8ສິງຫານີ້ວ່າ, ໃນຫຼາຍອາທິດຂ້າງໜ້າ,ຈະຮັກສາການຕິດຕໍ່ພົວ ພັນແລະຮ່ວມມືກັນຢ່າງໃກ້ຊິດ,ໃຊ້ມາດຕະການອັນຈຳເປັນທຸກຢ່າງເພື່ອຮັບປະກັນໃຫ້ ການເງິນມີຄວາມໝັ້ນທ່ຽງແລະຮັກສາລະດັບການເຕີບໂຕຂອງເສດຖະກິດ.
ຖະແຫຼງການຂຽນວ່າ,ກຸ່ມ7ປະເທດຈະຕັ້ງໜ້າຮັບມືກັບຂຸມການເງິນ,ໜີ້ສິນພາກລັດແລະຄວາມກົດດັນຕ່າງໆທີ່ຈະເປັນການກີດຂວາງການພັດທະນາເສດຖະກິດ,ພ້ອມທັງສະແດງຄວາມຊົມ ເຊີຍຕໍ່ອາເມລິກາແລະເອີຣົບທີ່ໄດ້ໃຊ້ມາດຕະການຮັບມືທີ່ເດັດຂາດ.
ຂ່າວແຈ້ງອີກວ່າ,ຍ້ອນຖືກຜົນກະທົບຈາກການປະເມີນຜົນລະດັບຄວາມໜ້າເຊື່ອຖືໃນການຊຳລະໜີ້ຂອງລັດຖະບານອາເມລິກາຫຼຸດຕ່ຳລົງ,ວັນທີ8ສິງຫານີ້,ດັດຊະນີນິກເກອີຂອງຕະຫຼາດຫຸ້ນໂຕກຽວໃນເວລາໄຂຕະຫຼາດກໍ່ຫຼຸດລົງ1,4% ຄືຈາກ130,21ຈຸດ,ຫຼຸດລົງ ຮອດ9169,67ຈຸດ.
