ຕາມຂ່າວສານຊິນຮວາ: ໂດຍໄດ້ຮັບອະນຸມັດຈາກລັດຖະບານແຫ່ງສາທາລະນະລັດປະຊາທິປະໄຕປະຊາຊົນລາວ, ຕອນເຊົ້າວັນທີ 8 ສິງຫານີ້, ສຳນັກງານຜູ່ຕາງໜ້າວາລະສານ"ຈຳປາ"ຂອງຈີນປະຈຳວຽງຈັນໄດ້ຮັບການສ້າງຕັ້ງຂຶ້ນຢ່າງເປັນທາງການ, ທ່ານສິນລະວົງ ຄຸດໄພທູນ ຫົວໜ້າຫ້ອງວ່າການລັດຖະບານ ທັງເປັນປະທານສະມາຄົມມິດຕະພາບລາວ-ຈີນ ແລະ ທ່ານນາງປູ້ຈ້ຽນກົວເອກອັກຄະລັດຖະທູດຈີນປະຈຳລາວໄດ້ເຂົ້າຮ່ວມເຂົ້າຮ່ວມເປີດປ້າຍສຳນັກງານຕາງໜ້າວາລະສານ"ຈຳປາ"ປະຈຳນະຄອນຫຼວງວຽງຈັນ.
ໃນເວລາໃຫ້ສຳພາດຕໍ່ສື່ມວນຊົນຈີນ, ທ່ານສິນລະວົງ ຄຸດໄພທູນກ່າວວ່າ,ວາລະສານ"ຈຳປາ"ດີຫຼາຍ,ຢູ່ແຂວງຕ່າງໆຂອງລາວລ້ວນແລ້ວແຕ່ໄດ້ເຫັນໄດ້ອ່ານ, ໂດຍສະເພາະແມ່ນໄດ້ເສີມຂະຫຍາຍບົດບາດສຳຄັນເຂົ້າໃນການແນະນຳລາວຕໍ່ຈີນ ແລະ ແນະນຳຈີນຕໍ່ລາວ, ພ້ອມກັນນັ້ນວາລະສານຈຳປາ,ຍັງໄດ້ສະໜອງຂໍ້ມູນຂ່າວສານທີ່ສຳຄັນຈຳນວນຫຼາຍທີ່ເປັນປະໂຫຍດໃຫ້ແກ່ການພັດທະນາເສດຖະກິດຂອງລາວ.
ທ່ານນາງປູ້ຈ້ຽນກົວກ່າວວ່າ, ວາລະສານ"ຈຳປາ"ມີບົດບາດສຳຄັນຫຼາຍໃນການໂຄສະນານະໂຍບາຍດ້ານຕ່າງໆຂອງຈີນຢູ່ລາວດ້ວຍພາສາລາວ, ແມ່ນຂົວຕໍ່ໃນການແລກປ່ຽນເຊິ່ງກັນແລະກັນລະຫວ່າງຈີນ ກັບ ລາວ, ມີຜົນດີໃນການເຜີ່ຍແຜ່.
