ວັນທີ9ສິງຫານີ້, ທ່ານຢາງເຈສື, ລັດຖະມົນຕີວ່າການກະຊວງການຕ່າງປະເທດຈີນທີ່ໄປຢ້ຽມຢາມຊູດັງໃຕ້ໄດ້ພົບປະກັບທ່ານຊານວາ ກິວມາຢາດິດ,ປະທານາທິບໍດີຊູດັງໃຕ້ແລະທ່ານເດິງ ອາໂລໂຄນລ໌,ລັດຖະມົນຕີວ່າການກະຊວງການຕ່າງປະເທດຊູດັງໃຕ້ຢູ່ນະຄອນຫຼວງຈູບາ.
ໃນການພົບປະ, ທ່ານຢາງເຈສືກ່າວວ່າ,ຈີນຈະສືບຕໍ່ສະໜັບສະໜູນຊູດັງໃຕ້ທຳຄວາມພະຍາຍາມໃນການປົກປັກຮັກສາອະທິປະໄຕແລະເອກະລາດ,ສະໜັບສະໜູນຊູດັງໃຕ້ໃນການເສີມຂະຫຍາຍບົດບາດຢູ່ໃນອົງການສາກົນແລະພາກພື້ນຕ່າງໆໃຫ້ສູງຂຶ້ນເຊັ່ນ:ສະຫະປະຊາຊາດດັ່ງນີ້ເປັນຕົ້ນເປັນຕົ້ນ,ຍິນດີໃຫ້ການຊ່ວຍເຫຼືອແກ່ຊູດັງໃຕ້ພາຍໃນຂອບເຂດທີ່ເທົ່າທີ່ຈະຊ່ວຍໄດ້ຕາມຄວາມສາມາດຂອງຕົນ,ເພີ່ມທະວີການຮ່ວມມືລະຫວ່າງສອງຝ່າຍໃນຂົງເຂດນ້ຳມັນເຊື້ອໄຟ,ອຸດສາຫະກຳບໍ່ແຮ່,ກະສິກຳ,ພື້ນຖານໂຄງລ່າງແລະຂົງເຂດອື່ນໆ,ເພື່ອສະໜັບສະໜູນຊູດັງໃຕ້ຊຸກຍູ້ການພັດທະນາ,ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ.
ທ່ານຊານວາກິວມາຢາດີດກ່າວວ່າ,ປະຈຸບັນ,ຊູດັງໃຕ້ຍັງມີຄວາມຕ້ອງການໃນການພັດທະນາ,ການຮ່ວມມືລະຫວ່າງສອງປະເທດເປັນໂອກາດທີ່ດີ,ມີຄວາມສຳຄັນອັນໃຫຍ່ຫຼວງ. ຊູດັງໃຕ້ຖືຈີນເປັນຄູ່ຮ່ວມມືທີ່ສຳຄັນ, ຫວັງວ່າຈະໄດ້ຮັບການສະໜັບສະໜູນຈາກຈີນໃນຂົງເຂດນ້ຳມັນເຊື້ອໄຟ,ກະສິກຳ,ສາທາລະນະສຸກ,ການສຶກສາແລະຂົງເຂດອື່ນໆ.
ໃນການເຈລະຈາ, ທ່ານຢາງເຈໄດ້ສືສະເໜີໃຫ້ ເພີ່ມທະວີການຢ້ຽມຢາມກັນລະດັບຜູ້ນຳແລະການໄປມາຫາສູ່ກັນໃນລະດັບຕ່າງໆລະຫວ່າງສອງປະເທດ, ປັບປຸງຄວາມໄວ້ເນື້ອເຊື່ອໃຈກັນທາງການເມືອງໃຫ້ສູງຂຶ້ນຢ່າງບໍ່ຢຸດຢັ້ງ,ແລະຢືນຢັນຂອບກົດໝາຍໃນການແລກປ່ຽນແລະການຮ່ວມມືໃນຂົງເຂດຕ່າງໆຂອງສອງປະເທດ.
ທ່ານເດິງ ອາໂລໂຄນລ໌ກ່າວວ່າ,ຊູດັງໃຕ້ມີຈຸດປະສົງຢາກເພີ່ມທະວີການຮ່ວມມືກັບຈີນໃນຂົງເຂດຕ່າງໆ,ຫວັງວ່າຈີນຈະກາຍເປັນຄູ່ຮ່ວມມືທີ່ສຳຄັນໃນການພັດທະນາແລະສ້າງສາຊູດັງໃຕ້.
