ຄຽງຄູ່ກັບລັດຖະບານອັງກິດເພີ່ມກຳລັງຕຳຫຼວດຂຶ້ນເຖິງ1ໝື່ນ6ພັນຄົນໃນການຮັກສາຄວາມປອດໄພ, ວັນທີ10ສິງຫານີ້, ຄວາມວຸ້ນວາຍທີ່ເກີດຂຶ້ນຢູ່ນະຄອນຫຼວງລອນດອນແລະຕົວເມືອງອື່ນໆຂອງອັງກິດໃນຫຼາຍມື້ມານີ້ໄດ້ສະຫງົບລົງ. ຜູ້ກໍ່ຄວາມວຸ້ນວາຍຢູ່ຕາມຕົວເມືອງຕ່າງໆລວມ1000ກວ່າຄົນຖືກຈັບຕາມຕາມກັນ, ສານໄດ້ເລີ່ມດຳເນີນຄະດີຕໍ່ຜູ້ກໍ່ຄວາມວຸ້ນວາຍຈຳນວນໜຶ່ງ. ປະຊາຊົນຈຳນວນບໍ່ໜ້ອຍຍັງຈັດຕັ້ງຕົນເອງເພື່ອຊ່ວຍເຫຼືອອຳນາດການປົກຄອງເຮັດອະນາໄມຕາມຕົວເມືອງ, ແລະປ້ອງກັນຄວາມສະຫງົບໃນເຂດຊຸມຊົນ.
ພ້ອມກັນນັ້ນ, ສື່ມວນຊົນແລະວົງການຕ່າງໆທາງສັງຄົມໄດ້ເລີ່ມຄົ້ນຄວ້າຫາສາເຫດທີ່ພາໃຫ້ເກີດຄວາມວຸ້ນວາຍຈາກດ້ານຕ່າງໆ. ນັກວິເຄາະຊີ້ອອກວ່າ, ໃນໄລຍະເບື້ອງຕົ້ນທີ່ເກີດຄວາມວຸ້ນວາຍນັ້ນ, ຕຳຫຼວດແລະລັດຖະບານບໍ່ໄດ້ຮັບມືຢ່າງມີປະສິດທິຜົນ, ແມ່ນສາເຫດໂດຍກົງທີ່ສຳຄັນອັນໜຶ່ງທີ່ເຮັດໃຫ້ເຫດການວຸ້ນວາຍແຜ່ລາມຢ່າງວ່ອງໄວ. ນອກນີ້, ເວັບໄຊສື່ສານ, ໂທລະສັບມືຖືແລະເຄື່ອງມືທີ່ໃຊ້ເຕັກໂນໂລຊີທັນສະໄໝກໍ່ເປັນສິ່ງທີ່ສາເຫດລະດົມຄົນໃຫ້ເຂົ້າຮ່ວມເຫດການກໍ່ຄວາມວຸ້ນວາຍໃຫ້ແຜ່ລາມອອກໄປ.
ຄວາມວຸ້ນວາຍຢູ່ອັງກິດໄດ້ສະຫງົບລົງ
ສ່ວນສາເຫດອັນຕົ້ນຕໍນັ້ນມີຫຼາຍຫາງສຽງເຫັນວ່າຄວາມວຸ້ນວາຍເກີດຂຶ້ນແມ່ນມີການພົວພັນເຖິງສະພາບການເສດຖະກິດຂອງອັງກິດໃນປະຈຸບັນໄດ້ຊຸດໂຊມລົງ.
1 2 3 
