ຕາມຂ່າວສານຊິນຮວາ,ວັນທີ10ສິງຫານີ້,ທ່ານຍຸດທະສັກ ສະສິປະພາ ລັດຖະມົນຕີວ່າການກະຊວງປ້ອງກັນປະເທດໄທຄົນໃໝ່ໄດ້ສະເໜີໃຫ້ຫົວໜ້າລັດຖະບານໄທແລະກຳປູເຈຍພົບປະເຈລະຈາກັນເພື່ອແກ້ໄຂບັນຫາຄວາມຂັດແຍ່ງທາງດ້ານຊາຍແດນລະຫວ່າງສອງປະເທດ.
ໃນມື້ດຽວກັນ,ທ່ານຍຸດທະສັກສະສິປະພາໄດ້ກ່າວວ່າທ່ານຈະໄປຢ້ຽມຢາມກຳປູເຈຍໃນໄລຍະໃກ້ໆນີ້.ທ່ານກ່າວໃຫ້ຮູ້ອີກວ່າ,ເນື່ອງຈາກວ່າສົມເດັດຮຸນແຊນ ນາຍົກລັດຖະມົນຕີກຳປູເຈຍໄດ້ສະແດງທ່າທີຄວາມເປັນມິດທີ່ດີຕໍ່ທ່ານນາງຍິ່ງລັກ ຊິນນະວັດ ນາຍົກລັດຖະມົນຕີໄທ,ສະນັ້ນ,ທ່ານຫວັງວ່າຫົວໜ້າລັດຖະບານຂອງສອງປະເທດຈະພົບປະເຈລະຈາກັນເພື່ອສ້າງເງື່ອນໄຂອັນດີເພື່ອຊຸກຍູ້ໃຫ້ທ່ານເອງພ້ອມກັບທ່ານເຕຍ ບັນ ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງປ້ອງກັນປະເທດກຳປູເຈຍຈະໄດ້ຮ່ວມກັນຈັດກອງປະຊຸມຄະນະກຳມະການຊາຍແດນລະຫວ່າງສອງປະເທດຂຶ້ນໃນອະນາຄົດ.
