ສ.ເກົາຫຼີແລະສປປເກົາຫຼີຍິງປືນໃຫຍ່ໃສ່ກັນຫຼາຍເທື່ອຢູ່ໃກ້ເສັ້ນຊາຍແດນທີ່ມີຄວາມຂັດແຍ່ງກັນຢູ່ເຂດທະເລພາກຕາເວັນຕົກ
(GMT+08:00) 2011-08-11 14:54:11 cri
ຕາມຂ່າວສານຊິນຮວາ:ວັນທີ10ສິງຫານີ້,ສຳນັກຂ່າວສານຢົນຮັບຂອງສ.ເກົາຫຼີແຈ້ງຂ່າວວ່າ,ພາຍຫຼັງກອງທະຫານສ.ເກົາຫຼີຍິງປືນໃຫຍ່ເພື່ອເປັນການຕອບໂຕ້ຄືນການຍິງປືນຈາກກອງທະຫານສປປເກົາຫຼີຢູ່ໃກ້"ເສັ້ນຊາຍແດນພາກເໜືອຫຼືNLL"ໃນຕອນບ່າຍວັນທີ10ສິງ ຫານີ້ແລ້ວ,ໃນຕອນຄ່ຳມື້ດຽວກັນ,ມີລູກປືນໃຫຍ່ຈາກສປປເກົາຫຼີຕົກຢູ່ໃກ້"ເສັ້ນຊາຍແດນພາກເໜືອ" ອີກ,ກອງທະຫານສ.ເກົາຫຼີຈຶ່ງຍິງປືນໃຫຍ່ຕອບໂຕ້ຄືນອີກເທື່ອໜຶ່ງ.
ສຳນັກຂ່າວສານຢົນຮັບນຳເອົາຄຳເວົ້າຂອງເຈົ້າໜ້າທີ່ທາງທະຫານແລະປະຊາຊົນຢູ່ເກາະຢົງພຽງມາລາຍງານວ່າ,ໃນ13ໂມງຕອນບ່າຍວັນທີ10ສິງຫານີ້,ທະຫານສ.ເກົາຫຼີໄດ້ຍິນສຽງປືນໃຫຍ່3ເທື່ອຈາກທິດສປປເກົາຫຼີ,ໃນນັ້ນມີລູກປືນໃຫຍ່ລູກ1ຕົກຢູ່ໃກ້ກັບ"ເສັ້ນຊາຍແດນພາກເໜືອ".ເມື່ອໄດ້ດຳເນີນການກ່າວເຕືອນທາງສື່ສານແລ້ວ,ໃນເວລາ14ໂມງກອງທະຫານສ.ເກົາຫຼີຍິງປືນໃຫຍ່3ລູກໃສ່"ເສັ້ນຊາຍແດນພາກເໜືອ"ເພື່ອເປັນການຕອບໂຕ້ຄືນ.ໃນເວລາປະມານ19ໂມງ46ນາທີ,ຝ່າຍສປປເກົາຫຼີຍິງປືນໃຫຍ່ອີກ2ລູກໃສ່ທິດ"ເສັ້ນ ຊາຍແດນພາກເໜືອ",ພາຍຫຼັງມາ,ກອງທະຫານສ.ເກົາຫຼີຈຶ່ງຍິງລູກປືນໃຫຍ່3ລູກໃສ່ທິດ"ເສັ້ນຊາຍແດນພາກເໜືອ"ເພື່ອເປັນການກ່າວເຕືອນກອງທະຫານຂອງສປປເກົາຫຼີ.
ອີງຕາມກອງທະຫານແລະສື່ມວນຊົນສ.ເກົາຫຼີລາຍງານວ່າ,ບໍ່ມີຜູ່ບາດເຈັບແລະເສຍຊີວິດ ຈາກການຍິງປືນຫຼາຍເທື່ອຕິດຕໍ່ກັນໃນຄັ້ງນີ້.
