ຄວາມວຸ້ນວາຍຢູ່ອັງກິດໄດ້ສະຫງົບລົງ
(GMT+08:00) 2011-08-12 11:55:04 cri
ຄວາມວຸ້ນວາຍທີ່ເກີດຂຶ້ນຢູ່ອັງກິດໃນຫຼາຍມື້ຜ່ານມານີ້ໄດ້ສະຫງົບລົງແລ້ວໃນວັນທີ11ສິງຫານີ້.ຢູ່ຕາມຕົວເມືອງໃຫຍ່ໃນອັງກິດເປັນຕົ້ນແມ່ນນະຄອນຫຼວງລອນດອນລ້ວນແຕ່ມີ ຄວາມສະຫງົບ,ບໍ່ມີຄວາມວຸ້ນວາຍ.ປະຈຸບັນນີ້,ຢູ່ຕາມຖະໜົນສາຍສຳຄັນໃນລອນດອນຍັງມີຕຳຫຼວດລາດຕະເວນຢູ່,ເພື່ອປ້ອງກັນບໍ່ໃຫ້ເກີດການກະທຳດ້ວຍຄວາມຮຸນແຮງຕື່ມອີກ.
ໃນວັນທີ11ສິງຫານີ້,ທ່ານແດວິດ ຄາເມຣອນ,ນາຍົກລັດຖະມົນຕີອັງກິດປະກາດວ່າ,ລັດຖະບານຈະໃຊ້ມາດຕະການທີ່ເຂັ້ມງວດຂຶ້ນຕື່ມອີກເພື່ອເຮັດໃຫ້ສັງຄົມໄດ້ຄືນເຂົ້າສູ່ຄວາມເປັນລະບຽບ,ລວມທັງການເພີ່ມຕຳຫຼວດເຂົ້າໃນການກວດກາລາດຕະເວນປ້ອງກັນຄວາມສະຫງົບ,ແລະເພີ່ມທະວີການຕິດຕາມຄວບຄຸມຕໍ່ການກະທຳຜິດດ້ວຍການປ່ອຍຂ່າວລືແລະຈັດຕັ້ງການຕ້ອງໂທດໂດຍຜ່ານອິນເຕີເນັດ.
ທ່ານຄາເມຣອນກ່າວວ່າ,ລັດຖະບານຈະເຮັດຈົນສຸດຄວາມສາມາດເພື່ອຮັກສາກົດໝາຍ, ເຮັດໃຫ້ສັງຄົມມີຄວາມເປັນລະບຽບຮຽບຮ້ອຍ,ຊອກສາເຫດອັນແທ້ຈິງທີ່ພາໃຫ້ເກີດຄວາມວຸ້ນວາຍໃນເທື່ອນີ້.ທ່ານຍັງກ່າວວ່າ,ລັດຖະບານຈະຕອບສະໜອງເງິນທົດແທນໃຫ້ແກ່ບຸກຄົນແລະຮ້ານຄ້າຕ່າງໆທີ່ຖືກຜົນກະທົບໃນການກໍ່ເຫດຄວາມວຸ້ນວາຍ,ແລະໃຊ້ເງິນ20ລ້ານປອນເພື່ອຊ່ວຍເຫຼືອຮ້ານຄ້າຕ່າງໆທີ່ຖືກກະທົບນັ້ນທຳການເປີດບໍລິການຄືນໃໝ່ໂດຍໄວ,ແລະອີກ10ລ້ານປອນເພື່ອຊ່ວຍເຫຼືອໃນການປັບປຸງເຂດຄຸ້ມບ້ານປະຊາຊົນໃນການ ຮັກສາຄວາມປອດໄພແລະທຳຄວາມສະອາດ.
