ວັນທີ13 ສິງຫານີ້,ທ່ານໂລເບີດ ບຼຸສ ໂຊເອວລິກ,ຜູ່ວ່າການທະນາຄານໂລກທີ່ກຳລັງຢ້ຽມຢາມຢູ່ອົສຕາລີກ່າວວ່າ,ທົ່ວໂລກກຳລັງຕັ້ງລະບົບການທະນາຄານຄືນໃຫມ່,ໃຈກາງດ້ານເສດຖະກິດກຳລັງຍ້າຍໄປຢູ່ຈີນ,ອິນເດຍ,ເບຼຊິນ,ອາຊີອາຄະເນແລະປະເທດທີ່ພວມພັດທະນາແລະເຂດແຄວ້ນຢ່າງວ່ອງໄວ.ທ່ານຍັງກ່າວວ່າ,ອົສຕຼາລີມີການພົວພັນດ້ານເສດຖະກິດຢ່າງແຫນ້ນແຟ້ນກັບທະວີບອາຊີ,ເສດຖະກິດມີອະນາຄົດຢ່າງດີງາມ.
ທ່ານໂຊເອວລິກກ່າວໃນເວລາໃຫ້ສຳພາດຕໍ່ສື່ມວນຊົນອົສຕຼາລີວ່າ,ຫຼັງຈາກເກີດວິກິດການການເງິນແລ້ວ,ອົງກອນເສດຖະກິດທີ່ຈະເລີນໃຫມ່ໄດ້ເຕີບໂຕເປັນຢ່າງດີ,ສະພາບການຟຶ້ນຟືຂອງອົງກອນເສດຖະກິດທີ່ພັດທະນາແລ້ວຍັງບໍ່ດີປານໃດ.ຍ້ອນວ່າທະວີບເອີລົບເກີດວິກິດການຫນີ້ສິນພາກລັດ,ເສດຖະກິດໂລກໄດ້ເຂົ້າສູ່ໄລຍະໃຫມ່ທີ່ມີຄວາມອັນຕະລາຍກວ່າເກົ່າ,ອະນາຄົດຈະບໍ່ຈະແຈ້ງກວ່າເກົ່າ,ຖ້າທຽບກັບບັນຫາເສດຖະກິດຂອງອາເມລິກາ,ບັນຫາເສດຖະກິດຂອງເອີລົບຈະຫຍຸ້ງຍາກແລະຮ້າຍແຮງກວ່າເກົ່າ.ກ່ຽວກັບເລື່ອງນີ້,ທ່ານໂຊເອວລິກຮຽກຮ້ອງໃຫ້ຜູ່ນຳເອີລົບພະຍາຍາມຊຳລະແກ້ໄຂວິກິດການຫນີ້ສິນພາກລັດໂດຍໄວ,ແລະໄດ້ຊີ້ອອກວ່າຂໍ້ບົກຜ່ອງດ້ານອົງປະກອບຂອງສະຫະພາບເອີລົບໄດ້ເຮັດໃຫ້ຍາກທີ່ຈະດຳເນີນການປະຕິຮູບດ້ານເສດຖະກິດຢ່າງມີປະສິດທິຜົນ.
ກ່ຽວກັບສະພາບລວມດ້ານເສດຖະກິດທົ່ວໂລກໃນປະຈຸບັນ,ທ່ານໂຊເອວລິກຊີ້ອອກວ່າ,ສະພາບການເສດຖະກິດທົ່ວໂລກໃນປະຈຸບັນນີ້ຕ່າງກັບໃນໄລຍະວິກິດການການເງິນ,ອາດຈະບໍ່ເກີດວິກິດການການເງິນຢ່າງກະທັນຫັນທີ່ຄ້າຍຄືປີ2009
