ທ່ານນາງຍິ່ງລັກ ຊິນນະວັດກ່າວວ່າການແກ້ໄຂຄວາມຂັດແຍ່ງກັນດ້ານຊາຍແດນໄທກຳປູເຈຍຈະຕິດພັນກັບຜົນປະໂຫຍດແຫ່ງຊາດ
(GMT+08:00) 2011-08-16 10:12:35 cri
ວັນທີ15ສິງຫານີ້, ທ່ານນາງຍິ່ງລັກ ຊິນນະວັດ, ນາຍົກລັດຖະມົນຕີໄທຜູ້ໃໝ່ກ່າວວ່າ, ລັດຖະບານຊຸດໃໝ່ຂອງໄທຈະແກ້ໄຂຄວາມຂັດແຍ່ງຕາມຊາຍແດນໄທກຳປູເຈຍໂດຍຜ່ານວິທີທາງການທູດແລະການເຈລະຈາບົນພື້ນຖານການປົກປ້ອງຜົນປະໂຫຍດແຫ່ງຊາດ, ຫາກບໍ່ແມ່ນຢູ່ບົນການພົວພັນສ່ວນຕົວລະຫວ່າງທ່ານທັກສິນ ຊິນນະວັດ, ອະດີດນາຍົກລັດຖະມົນຕີໄທກັບທ່ານຮຸນແຊນ, ນາຍົກລັດຖະມົນຕີກຳປູເຈຍ.
ວັນທີ15ສິງຫານີ້, ທ່ານນາງຍິ່ງລັກ ຊິນນະວັດເລີ່ມຕົ້ນເຂົ້າເຮັດວຽກຢູ່ສຳນັກງານນາຍົກລັດຖະມົນຕີເປັນຄັ້ງທຳອິດຫຼັງຈາກຂຶ້ນຮັບຕຳແໜ່ງ ນາຍົກລັດຖະມົນຕີໄທ. ນາງກ່າວວ່າ, ຄາດວ່າຈະປະກາດໂຄງຮ່າງແຜນນະໂຍບາຍດຳເນີນການປົກຄອງຂອງລັດຖະບານຊຸດໃໝ່ໃນວັນທີ24ສິງຫານີ້.
