ສັບປະດາແລກປ່ຽນດ້ານການສຶກສາຈີນ-ອາຊຽນໄຂຂຶ້ນຢູ່ນະຄອນກຸ້ຍຢາງແຂວງກຸ້ຍໂຈ່ວຂອງຈີນ
(GMT+08:00) 2011-08-17 17:05:04 cri
ຕາມຂ່າວສານຈີນລາຍງານວ່າ: ວັນທີ17ສິງຫານີ້, ສັບປະດາແລກປ່ຽນດ້ານການສຶກສາຈີນ-ອາຊຽນຄັ້ງທີ4ໄດ້ໄຂຂຶ້ນຢູ່ນະຄອນກຸ້ຍຢາງແຂວງກຸ້ຍໂຈ່ວຂອງຈີນ, ຫົວຂໍ້ຫຼັກຂອງສັບປະດາການແລກປ່ຽນເທື່ອນີ້ແມ່ນການເປີດກວ້າງແລະປະດິດສ້າງໃໝ່ , ເພື່ອອອກແຮງສ້າງເວທີໃໝ່ໃນການແລກປ່ຽນດ້ານການສຶກສາລະຫວ່າງຈີນກັບອາຊຽນ.
ສັບປະດາແລກປ່ຽນດ້ານການສຶກສາຈີນ-ອາຊຽນຄັ້ງທີ4ແມ່ນກະຊວງການສຶກສາທິການຈີນແລະອົງການປົກຄອງປະຊາຊົນແຂວງກຸ້ຍໂຈ່ວຮ່ວມກັນຈັດຂຶ້ນ,ຫົວຂໍ້ຫຼັກແມ່ນການຮ່ວມມືດ້ານການສຶກສາລະດັບສູງລະຫວ່າງຈີນ-ອາຊຽນ,ສ້າງເວທີແລກປ່ຽນທີ່ເປີດປະຕູແລະປະດິດສ້າງໃໝ່ແລະຊຸກຍູ້ໂຮງຮຽນຊັ້ນສູງຂອງແຂວງກຸ້ຍໂຈ່ວເພີ່ມກຳລັງເຂົ້າໃນການເປີດປະຕູສູ່ພາຍນອກ.ໃນກິດຈະກຳຕ່າງໆທີ່ຈະດຳເນີນໄປເປັນເວລາ4ວັນນັ້ນ, ບຸກຄົນວົງການການສຶກສາຈາກປະເທດຕ່າງໆຂອງອາຊຽນ,ແຂວງກຸ້ຍໂຈ່ວແລະແຂວງອື່ນໆຂອງຈີນເກືອບຮ້ອຍຄົນຈະເຂົ້າຮ່ວມກິດຈະກຳເຊັ່ນ: "ພິທີໄຂສັບປະດາແລກປ່ຽນດ້ານການສຶກສາຈີນ-ອາຊຽນຄັ້ງທີ4", "ເວທີປຶກສາຫາລືການແລກປ່ຽນສາກົນໂຮງຮຽນຊັ້ນສູງຈີນ-ອາຊຽນ", "ເວທີປຶກສາຫາລືການແລກປ່ຽນວັດທະນະທຳລະຫວ່າງຊາດຈີນ-ອາຊຽນ", "ເວທີປຶກສາຫາລືການຮ່ວມມືເຈົ້າໜ້າທີ່,ການຜະລິດ,ການສຶກສາຈີນ-ອາຊຽນ", "ວັນວັດທະນະທຳກິລາຊາວໜຸ່ມຈີນ-ອາຊຽນ"ແລະອື່ນໆ.
ແຕ່ປີ2008ຈົນຮອດປະຈຸບັນ, "ສັບປະດາແລກປ່ຽນດ້ານການສຶກສາຈີນ-ອາຊຽນ"ໄດ້ຈັດຂຶ້ນມາແລ້ວ3ຄັ້ງຢູ່ນະຄອນກຸ້ຍຢາງ.
