ທ່ານນາງຍິ່ງລັກ ຊິນນະວັດກ່າວວ່າທ່ານທັກສິນ ຊິນນະວັດໄປຢ້ຽມຢາມຍີ່ປຸ່ນແລະກຳປູເຈຍເປັນການກະທຳສ່ວນຕົວ ບໍ່ມີສ່ວນກ່ຽວຂ້ອງກັບລັດຖະບານຊຸດໃໝ່ຂອງໄທ
(GMT+08:00) 2011-08-18 10:53:17 cri
ວັນທີ17ສິງຫານີ້, ທ່ານນາງຍິ່ງລັກ ຊິນນະວັດ, ນາຍົກລັດຖະມົນຕີຜູ້ໃໝ່ຂອງໄທກ່າວວ່າ, ທ່ານທັກສິນ ຊິນນະວັດ, ອະດີດນາຍົກລັດຖະມົນຕີໄທຈະໄປຢ້ຽມຢາມນະຄອນຫຼວງພະນົມເປັນຂອງກຳປູເຈຍເປັນການກະທຳສ່ວນຕົວຂອງທ່ານເອງໂດຍທີ່ລັດຖະບານຊຸດໃໝ່ຂອງໄທບໍ່ມີສ່ວນກ່ຽວຂ້ອງ.
ທ່ານນາງຍິ່ງລັກຊິນນະວັດກ່າວຄວາມເວົ້ານີ້, ເພື່ອເປັນການຕອບໂຕ້ຕໍ່ສື່ມວນຊົນທີ່ລາຍງານຂ່າວວ່າ, ລັດຖະບານຊຸດໃໝ່ຂອງໄທປັບປຸງມາດຕາທີ່ກ່ຽວຂ້ອງໃນລັດຖະທຳມະນູນເພື່ອເຮັດໃຫ້ທ່ານທັກສິນ ຊີນນະວັດບໍ່ໄດ້ຮັບການລົງໂທດຕາມກົດໝາຍ, ແລະການຢ້ຽມຢາມກຳປູເຈຍຂອງທ່ານທັກສິນນັ້ນມີສ່ວນກ່ຽວຂ້ອງລັດຖະບານຫຼືບໍ່.
ມື້ດຽວກັນ, ທ່ານນາງຍິ່ງລັກ ຊິນນະວັດຍັງໄດ້ກ່າວກ່ຽວກັບເລື່ອງທີ່ທ່ານທັກສິນ ຊິນນະວັດຈະໄປຢ້ຽມຢາມຍີ່ປຸ່ນວ່າ, ທ່ານທັກສິນໄປຢ້ຽມຢາມຍີ່ປຸ່ນເປັນວຽກສ່ວນຕົວ, ບໍ່ສາມາດຕາງໜ້າລັດຖະບານໄທໄດ້. ກ່ຽວກັບຄຳຖາມທີ່ວ່າເປັນຫຍັງລັດຖະບານໄທບໍ່ຮຽກຮ້ອງໃຫ້ລັດຖະບານຍີ່ປຸ່ນສົ່ງທ່ານທັກສິນກັບຄືນປະເທດໄທ, ທ່ານນາງຍິ່ງລັກກ່າວວ່າ, ລັດຖະບານຂອງນາງບໍ່ມີນະໂຍບາຍພິເສດແບບນີ້.
