ວົງການຕ່າງໆຂອງຮົງກົງຕີລາຄາສູງຕໍ່ນະໂຍບາຍແລະມາດຕະການໃໝ່ຂອງສູນກາງທີ່ສະໜັບສະໜູນການພັດທະນາຂອງຮົງກົງ
(GMT+08:00) 2011-08-18 18:11:10 cri
ພາຍຫຼັງທ່ານຫຼີເຄີ້ຊຽງ,ຮອງນາຍົກລັດຖະມົນຕີຈີນປະກາດມາດຕະການແລະນະໂຍບາຍໃໝ່ຂອງສູນກາງເພື່ອສະໜັບສະໜູນການພັດທະນາຕື່ມອີກຂອງຮົງກົງ,ແລະລົງເລິກການຮ່ວມມືດ້ານເສດຖະກິດການຄ້າແລະການທະນາຄານລະຫວ່າງແຜ່ນດິນໃຫຍ່ກັບຮົງກົງໃນວັນທີ17ສິງຫານີ້ແລ້ວ,ຊັ້ນຄົນວົງການຕ່າງໆຂອງຮົງກົງໄດ້ກ່າວວ່າ,ມາດຕະການແລະນະໂຍບາຍໃໝ່ເຫຼົ່ານີ້ມີຜົນດີຕໍ່ການພັດທະນາຮົງກົງໃນໄລຍະຍາວ,ມີຜົນດີຕໍ່ການສ້າງທ່າແຮງການແກ່ງແຍ່ງຂອງຮົງກົງໃຫ້ໝັ້ນຄົງ,ແລະມີຜົນດີຕໍ່ການຊຸກຍູ້ໃຫ້ຮົງກົງປະກອບ ສ່ວນຫຼາຍກວ່າເກົ່າເພື່ອເຮັດໃຫ້ເສດຖະກິດຂອງຈີນພັດທະນາຢ່າງຕໍ່ເນື່ອງແລະໝັ້ນທ່ຽງ.
ທ່ານຈົ່ງຈື້ພີງ,ປະທານສະພາອຸດສາຫະກຳຮົງກົງກ່າວວ່າ,ໃນສະພາບປະຈຸບັນທີ່ສິ່ງແວດລ້ອມເສດຖະກິດສາກົນບໍ່ມີຄວາມໝັ້ນທ່ຽງປານໃດ,ຮົງກົງໄດ້ຮັບການສະໜັບສະ ໜູນຢ່າງແຂງແຮງຈາກສູນກາງ,ດັ່ງນັ້ນຈຶ່ງເຊື່ອໝັ້ນວ່າ,ນີ້ຈະເປັນການເພີ່ມຄວາມເຊື່ອໝັ້ນຕໍ່ປະຊາຊົນຮົງກົງໃນການຕ້ານຢັນກັບຄວາມປັ່ນປ່ວນດ້ານເສດຖະກິດຮອບໃໝ່ຈາກພາຍນອກ.
ນາງກ່າວເຫມີຍອີ,ຮອງປະທານສະພາມົນຕີທັງເປັນປະທານບໍລິຫານງານຂອງທະນາຄານຮາງເຊງກ່າວວ່າ,ມາດຕະການແລະນະໂຍບາຍໃໝ່ມີຜົນດີຕໍ່ການພັດທະນາເສດຖະກິດໃນໄລຍະຍາວໄກຂອງຮົງກົງແລະແຜ່ນດິນໃຫຍ່ຈີນ,ການຍົກຖານະບົດບາດ ຂອງຮົງກົງໃຫ້ເປັນສູນກາງທາງການເງິນແລະການຄຸ້ມຄອງຊັບສິນຂອງໂລກໃຫ້ໝັ້ນຄົງ, ຈະສ້າງໂອກາດການພັດທະນາຫຼາຍກວ່າເກົ່າໃຫ້ແກ່ວົງການທະນາຄານຂອງຮົງກົງແລະແຜ່ນດິນໃຫຍ່.
