ວັນທີ19ສິງຫານີ້,ທ່ານສີຈີ້ນພິງ ຮອງປະທານປະເທດຈີນພ້ອມດ້ວຍທ່ານໂຈເຊັຟ ໄບເດັນ ຮອງປະທານາທິບໍດີອາເມລິກາທີ່ມາຢ້ຽມຢາມຈີນໄດ້ເຂົ້າຮ່ວມງານພົບປະສັງສັນລະຫວ່າງຜູ່ຕາງໜ້ານັກທຸລະກິດຈີນ-ອາເມລິກາຢູ່ທີ່ປັກກິ່ງ.ຢູ່ທີ່ປະຊຸມ,ທ່ານສີຈີ້ນພິງກ່າວວ່າ, ເສດຖະກິດຈີນຈະບໍ່ປະກົດມີສະພາບ ອັນທີ່ເອີ້ນວ່າສະພາບຫາຈຸດລົງຕົວຍາກຢ່າງເດັດຂາດແລະຈີນເຊື່ອວ່າເສດຖະກິດອາເມລິກາຍ່ອມຈະ ມີການພັດທະນາໄປໃນທາງທີ່ດີກວ່າເກົ່າໃນການຮັບມືກັບສິ່ງທ້າທາຍຕ່າງໆ.
ທ່ານສີຈີ້ນພິງກ່າວວ່າ,ຈີນຈະສືບຕໍ່ປະຕິບັດນະໂຍບາຍການເງິນທີ່ຕັ້ງໜ້າແລະນະໂຍບາຍເງິນຕາທີ່ໝັ້ນທ່ຽງ,ຊຳລະແກ້ໄຂການພົວພັນລະຫວ່າງ3ບັນຫາຄືການຮັກສາໃຫ້ເສດຖະກິດພັດທະນາຢ່າງໝັ້ນທ່ຽງແລະໄວສົມຄວນ,ສັບຊ້ອນອົງປະກອບເສດຖະກິດ,ຄວບຄຸມການຄາດຄະເນຕໍ່ໄພເງິນເຟີ້.ທ່ານສີຈີ້ນພິງຫວັງວ່ານັກວິທຸລະກິດຂອງສອງປະເທດຈີນອາເມລິກາຈະມີຄວາມສະດຸງໄວໃນການກຳກາລະໂອກາດອັນມີຄ່າມະຫາສານໃນການຮ່ວມມືທາງດ້ານພະລັງງານ,ການອະນຸລັກສິ່ງແວດລ້ອມ,ພື້ນຖານໂຄງລ່າງ,ຢາຊີວະພາບແລະອື່ນໆ,ພັດທະນາຕົນເອງເພື່ອປະກອບສ່ວນເຂົ້າໃນການເຮັດໃຫ້ເສດຖະກິດຈີນອາເມລິກາແລະເສດຖະກິດໂລກເຕີບໂຕຢ່າງແຂງແຮງ,ຕໍ່ເນື່ອງແລະດຸນດ່ຽງ.
ທ່ານສີຈີ້ນພິງກ່າວວ່າ, ອາເມລິກາມີຄວາມສາມາດຢ່າງແຂງແຮງໃນການແກ້ໄຂບັນຫາທາງດ້ານເສດຖະກິດ,ເຊື່ອວ່າ ເສດຖະກິດອາເມລິກາຍ່ອມຈະໄດ້ມີການພັດທະນາໄປໃນທາງທີ່ດີກວ່າເກົ່າໃນການຮັບມືກັບສິ່ງທ້າທາຍຕ່າງໆ.
ທ່ານໂຈເຊັຟ ໄບເດັນ ຮອງປະທານາທິບໍດີອາເມລິກາກ່າວວ່າ,ອາເມລິກາສຸມໃສ່ການຊຸກຍູ້ໃຫ້ເສດຖະກິດເຕີບໂຕຢ່າງຕໍ່ເນື່ອງ,ດຸນດ່ຽງ,ຍຸດຕິທຳແລະເປີດປະຕູ,ທ່ານມີຄວາມໝັ້ນໃຈຢ່າງເຕັມປ່ຽມຕໍ່ເສດຖະກິດອາເມລິກຈະຟື້ນຟູຄວາມມີຊີວິດຊີວາຄືນໃໝ່.ອາເມລິກາຍິນດີເພີ່ມທະວີການຮ່ວມມືກັບຈີນໃນການອະນຸມັດເຂົ້າຕະຫຼາດແລະການລົງທຶນເຊິ່ງກັນແລະກັນ.
