(ທ່ານບີເດັນກ່າວປາຖະກະຖາຢູ່ມະຫາວິທະຍາໄລເສຊວນຂອງຈີນ)
ທ່ານໂຈເຊັຟ ບີເດັນ,ຮອງປະທານາທິບໍດີອາເມລິກາໄດ້ກ່າວປາຖະກະຖາຢູ່ມະຫາວິທະຍາໄລເຊສວນໃນວັນທີ 21 ສິງຫານີ້, ໂດຍກ່າວເນັ້ນວ່າ: ອາເມລິກາຍິນດີໄດ້ເຫັນຈີນກັບອາເມລິກາມີການແຂ່ງຂັນກັນຢ່າງປອດໃສ, ຈະບໍ່ໃຫ້ປະເທດໃດຫນຶ່ງເຂັ້ມແຂງຂຶ້ນໂດຍເອົາຜົນປະໂຫຍດຂອງປະເທດອື່ນເປັນສິ່ງທົດແທນ. ຈີນທີ່ຈະເລີນຂຶ້ນມີຄວາມຫມາຍເປັນຢ່າງດີຕໍ່ອາເມລິກາແລະໂລກ, ຈະກາຍເປັນພະລັງແຮງທີ່ຊຸກຍູ້ໃຫ້ທົ່ວໂລກມີການພັດທະນາດ້ານເສດຖະກິດແລະຄວາມຈະເລີນຮຸ່ງເຮືອງທາງສັງຄົມ.
ໃນເວລາກ່າວປະຖະກະຖາ,ທ່ານບີເດັນເຜີຍໃຫ້ຮູ້ວ່າ,ອາເມລິກາຈະພະຍາຍາມປັບປຸງລະບຽບການຂໍວິຊາ, ເພື່ອແກ້ໄຂບັນຫາທີ່ພົນລະເມືອງຈີນຂວິຊາໄປອາເມລິກາຕ້ອງການເວລາດົນນານ. ພ້ອມກັນນັ້ນ, ຈະສືບຕໍ່ປະຕິຮູບຕໍ່ລະບຽບການຄຸ້ມຄອງການຄ້າຂາອອກ, ຍົກເລີກຄຳສັ່ງຫ້າມຂາຍສິນຄ້າຕໍ່ຈີນຫລາຍກວ່າເກົ່າ.
ເມື່ອເວົ້າເຖິງການຄ້າລະຫວ່າງຈີນກັບອາເມລິກາ, ທ່ານບີເດັນກ່າວວ່າ, ປີກາຍນີ້, ການສົ່ງອອກຂອງອາເມລິກາຕໍ່ຈີນມີເຖິງ 110 ຕື້ໂດລາ, ອັນໄດ້ສະຫນອງໂອກາດປະກອບອາຊີບໃຫ້ຄົນອາເມລິກາຫລາຍແສນຄົນ. ທ່ານຫວັງວ່າປະຊາຊົນອາເມລິກາແລະຈີນຈົ່ງຮັບຮູ້ເປັນຢ່າງດີຄື:ແລ້ວລົງເລິກການຮ່ວມມືດ້ານເສດຖະກິດການຄ້າສາມາດສ້າງຄວາມສຸກໃຫ້ແກ່ສອງປະເທດແລະປະຊາຊົນສອງຊາດ.
1 2 3 
