ຜູ້ບໍລິໂພກອາຊຽນນິຍົມຄຳໂຄສະນາທາງອິນເຕີເນັດ
(GMT+08:00) 2011-08-22 16:24:53 cri
ວັນທີ22ສິງຫານີ້, ບໍລິສັດນິວເຊັນທີ່ເປັນອົງການຄົ້ນຄວ້າຕະຫຼາດສາກົນໄດ້ປະກາດຂໍ້ມູນໂດຍສະແດງໃຫ້ເຫັນວ່າ, ຈຳນວນຜູ້ບໍລິໂພກຂອງພາກພື້ນອາຊຽນນິຍົມການຊົມໃຊ້ຕາມຄຳໂຄສະນາທາງອິນເຕີເນັດໃນລະດັບສູງ, ໂດຍສະເພາະແມ່ນໃນກໍລະນີທີ່ເນື້ອໃນຄຳໂຄສະນາທາງອິນເຕີເນັດກຳນົດຖານະຢ່າງຈະແຈ້ງ, ຫຼືວ່າຍີ່ຫໍ້ສິນຄ້າແລະຜະລິດຕະພັນຍີ່ຫໍ້ນີ້ໄດ້ຮັບຄວາມນິຍົມຊົມຊອບຈາກຜູ້ບໍລິໂພກ, ຄຳໂຄສະນາຈະໄດ້ມີຜົນສະທ້ອນຫຼາຍຕໍ່ການເລືອກຂອງຜູ້ບໍລິໂພກ.
ຜົນການຄົ້ນຄວ້າສະແດງໃຫ້ເຫັນວ່າ, ຜູ້ບໍລິໂພກອາຊຽນເກືອບ3ສ່ວນ4ໄດ້ຮັບຜົນສະທ້ອນຈາກຄຳໂຄສະນາທາງອິນເຕີເນັດຈາກເວັບໄຊສຳຄັນໃນລະດັບໃດໜຶ່ງ, ຖ້າວ່າໃນຄຳໂຄສະນາກ່າວວ່າມີຜູ້ນຳໃຊ້ນິຍົມຍີ່ຫໍ່ໃດໜຶ່ງໄດ້ຮັບຄວາມນິຍົມຫຼາຍ, ຜູ້ໄດ້ເຂົ້າຮ່ວມການສຳຫຼວດ80%ແມ່ນຈະມີຄວາມເຊື່ອມໝັ້ນຕໍ່ຄຳໂຄສະນານັ້ນໆ.
