ນາໂຕກ່າວວ່າ,ການເຄື່ອນໄຫວທາງການທະຫານຂອງນາໂຕຢູ່ລີບີຍັງບໍ່ທັນສິ້ນສຸດ,ສະຫະປະຊາຊາດຈະຈັດກອງປະຊຸມດ່ວນໃນວັນທີ26ເດືອນນີ້
(GMT+08:00) 2011-08-24 11:27:22 cri
ຄຽງຄູ່ກັບສະຖານະການຢູ່ລີບີກ້າວເຂົ້າສູ່ໄລຍະສຸດທ້າຍ,ທ່ານໂລແລນ ລາວອຍ ໂຄສົກຂອງນາໂຕກ່ຽວກັບການເຄື່ອນໄຫວທາງການທະຫານຢູ່ລີບີກ່າວໃນວັນທີ23ສິງຫານີ້ວ່າ,ສະຖານະການຢູ່ລີບີຍັງມີຄວາມດຸເດືອດແລະອັນຕະລາຍຢູ່.ນາໂຕຈະສືບຕໍ່ປະຕິບັດການທາງທະຫານຢູ່ລີບີຕໍ່ໄປ.ທ່ານກ່າວຢ້ຳວ່າ,ໜ້າທີ່ຂອງນາໂຕລວມທັງການຮັກສາຄວາມປອດໄພຂອງປະຊາຊົນ,ປະຕິບັດການເກືອດຫ້າມຂົນສົ່ງອາວຸດແລະສ້າງຕັ້ງເຂດຫ້າມບິນ.
ມື້ດຽວກັນ,ທ່ານນາງອົວນາ ລຸນເຈັສຄູ ໂຄສົກນາໂຕໄດ້ຖະແຫຼງຕໍ່ສື່ມວນຊົນວ່າ,ພາຍຫຼັງອຳນາດກັດດາຟີຖືກໂຄ່ນລົ້ມແລ້ວ,ນາໂຕຈະບໍ່ສົ່ງກອງກຳລັງທະຫານຮາບໄປລີບີ,ມີພຽງແຕ່ພາຍໃຕ້ສະພາບການທີ່ໄດ້ຮັບຄຳຮ້ອງຂໍແລ້ວຈິ່ງຈະເຂົ້າຊ່ວຍເຫຼືອໃນລະດັບໃດໜຶ່ງ.
ພ້ອມດຽວກັນນັ້ນ,ໂຄສົກເລຂາທິການໃຫຍ່ສະຫະປະຊາຊາດກ່າວໃນວັນທີ23ສິງຫານີ້ວ່າ,ສະຫະປະຊາຊາດຈະຈັດກອງປະຊຸມດ່ວນກ່ຽວກັບບັນຫາລີບີໃນວັນທີ26ເດືອນນີ້ເພື່ອປຶກສາຫາລືວ່າປະຊາຄົມໂລກຈະຮ່ວມກັນດຳເນີນງານຢູ່ລີບີແນວໃດໃນໄລຍະທ້າຍຂອງສະຖານະການພາຍໃນລີບີ.
ມື້ດຽວກັນ,ທ່ານບານກີມູນ ເລຂາທິການໃຫຍ່ສະຫະປະຊາຊາດຍັງໄດ້ໂທລະສັບລົມກັບທ່ານມູສຕາຟາ ອັບເດວ ຈາລີນ ປະທານຄະນະກຳມະການຊົ່ວຄາວແຫ່ງຊາດລີບີ,ທ່ານບານກີມູນກ່າວເນັ້ນວ່າ,ລີບີຕ້ອງການບັນລຸຄວາມສາມັກຄີປອງດອງກັນແລະອະໄພແກ່ກັນພາຍໃນປະເທດຊາດແລະຮຽກຮ້ອງໃຫ້ລີບີປົກປັກຮັກສາຄວາມປອດໄພຂອງອາຄານສະຖານທູດຕ່າງປະເທດໃນລີບີ.
