ຂະແໜງການໂທລະຄົມມະນາຄົມຂອງລາວພັດທະນາຢ່າງວ່ອງໄວ
(GMT+08:00) 2011-08-25 17:56:54 cri
ຕາມຂໍ້ມູນຫຼ້າສຸດທີ່ກະ ຊວງໂທລະຄົມມະນາຄົມ,ໄປສະນີແລະການສື່ສານຂອງລາວເປີດເຜີຍວ່າ,ນັບມາຮອດທ້າຍເດືອນມິຖຸນາປີນີ້,ສາຍໄຍກາບສື່ສານຂອງລາວມີຄວາມຍາວເຖິງ4ໝື່ນ1ພັນກິໂລແມັດ,ມີເສົາສັນຍານໂທລະສັບມືຖື4644ແຫ່ງ,ສາມາດປົກຄຸມ138ເມືອງໃນ17ແຂວງ ຂອງລາວ,ໃນນັ້ນ,ສັນຍານໂທລະສັບລະບົບ3Gໄດ້ປົກຄຸມ2000ບ້ານ.ມີໂທລະສັບຕັ້ງໂຕະ1ໝື່ນ800ເລກໝາຍແລະໂທລະສັບມືຖືກອີກ1ແສນ7ໝື່ນ7ພັນເລກໝາຍທີ່ໄດ້ຂຶ້ນທະບຽນໃໝ່,ໂທລະສັບທີ່ໄດ້ຂຶ້ນທະບຽນໃນທົ່ວປະເທດລາວມີເຖິງ5ລ້ານ4ແສນ2ພັນເລກໝາຍ,ສະເລ່ຍແລ້ວ,ແຕ່ລະ100ຄົນມີ88ເລກໝາຍ.ແຕ່ອັດຕາປົກຄຸມຂອງລະບົບອິນເຕີເນັດຢູ່ລາວມີພຽງແຕ່5%ທໍ່ນັ້ນ,ລວມທັງໝົດແລ້ວໄດ້ແຈກຢາຍບັນຊີອິນເຕີເນັດ2ໝື່ນ6ພັນອັນ,ຜູ່ໃຊ້ອິນເຕີເນັດມີບໍ່ເຖິງ5ແສນຄົນ.
ບໍ່ວ່າເວົ້າສຳລັບການເລັ່ງລັດພັດທະນາເສດຖະກິດ,ຫຼືວ່າການຍົກສູງລະດັບຊີວິດການເປັນຢູ່ຂອງປະຊາຊົນ,ຂະແໜງການໂທລະຄົມມະນາຄົມລ້ວນແຕ່ເປັນພື້ນຖານໂຄງລ່າງທີ່ມີບົດບາດສຳຄັນທີ່ສຸດ.ເພື່ອຮັບປະກັນໃຫ້ຈັງຫວະພັດທະນາຂອງຂະແໜງການໂທລະຄົມມະນາຄົມຂອງລາວມີການຂະຫຍາຍຕົວໄປໃນທາງທີ່ດີ,ລັດຖະບານໄດ້ໃຊ້ມາດຕະ ການຕ່າງໆ,ໃນນັ້ນລວມທັງການເພີ່ມງົບປະມານເຂົ້າໃນດ້ານນີ້ຢ່າງຫຼວງຫຼາຍ,ສົ່ງເສີມໃຫ້ບໍລິສັດຕ່າງປະເທດແລະວິສາຫະກິດເອກະຊົນພາຍໃນປະເທດເຂົ້າຮ່ວມການພັດທະນາພື້ນຖານໂຄງລ່າງໂທລະຄົມມະນາຄົມເປັນຕົ້ນ.ນັບແຕ່ວັນທີ1ກໍລະກົດປີນີ້ເປັນຕົ້ນໄປ, ລາວໄດ້ເລີ່ມປະຕິບັດມາດຖານຄ່າໂທລະສັບທີ່ເປັນເອກະພາບກັນ ຄື:ຄ່າໂທລະສັບຕັ້ງໂຕະແມ່ນ250ກີບຕໍ່ນາທີ,ຄ່າໂທລະສັບມືຖືສຳລັບຜູ່ເສຍຄ່າເປັນລາຍເດືອນນັ້ນແມ່ນ300ກີບຕໍ່ນາທີ,ຄ່າໂທລະສັບມືຖືສຳລັບຜູ່ເສຍຄ່າລ່ວງໜ້າແມ່ນ800ກີບຕໍ່ນາທີ,ຄ່າສົ່ງຂໍ້ຄວາມ ສັ້ນໃນເຄືອຂ່າຍຂອງບໍລິສັດດຽວກັນແມ່ນ100ກີບຕໍ່ຂໍ້ຄວາມ,ຄ່າສົ່ງຂໍ້ຄວາມສັ້ນຕ່າງເຄືອຂ່າຍແມ່ນ200ກີບຕໍ່ຂໍ້ຄວາມ,ຄ່າໂທໄປຕ່າງປະເທດແມ່ນ1800ກີບຕໍ່ນາທີ,ຄ່າສົ່ງຂໍ້ຄວາມ ສັ້ນໄປຕ່າງປະເທດແມ່ນ500ກີບຕໍ່ຂໍ້ຄວາມ.
ເມື່ອທຽບກັບສະພາບການໃນເມື່ອກ່ອນທີ່ບໍລິສັດໂທລະຄົມມະນາຄົມຕ່າງໆໄດ້ຕັ້ງຄ່າບໍລິການຕາມລຳພັງໃຈນັ້ນ,ແລະການທີ່ລັດຖະບານລາວຕັດສິນໃຈກະທຳຄືແນວນີ້,ແມ່ນໄດ້ ຮັບຄວາມຍ້ອງຍໍສັນລະເສີນຈາກຜູ່ຊົມໃຊ້ຢ່າງກວ້າງຂວາງ.ຜູ່ຊ່ຽວຊານເຫັນວ່າ,ຕະຫຼາດໂຄລະຄົມມະນາຄົມຂອງລາວທີ່ມີລາຄາເປັນເອກະພາບແລ້ວ,ຍັງຕ້ອງໃຊ້ມາດຕະການ ຕື່ມອີກເພື່ອຮັບປະກັນຄວາມໂປ່ງໄສ,ຄວາມໝັ້ນທ່ຽງແລະການແກ່ງແຍ່ງແຂ່ງຂັນຢ່າງຍຸດຕິທຳຂອງຕະຫຼາດ,ແລະຄວນວາງມາດຖານຄ່າອິນເຕີເນັດໃຫ້ເປັນເອກະພາບກັນ, ເພື່ອຊຸກຍູ້ການພັດທະນາເສດຖະກິດໃຫ້ເຂັ້ມແຂງກວ່າເກົ່າ.
