ຫວຽດນາມຈະປັບເງິນເດືອນຂັ້ນຕ່ຳສຸດໃຫ້ສູງຂຶ້ນອີກເທື່ອໜຶ່ງ
(GMT+08:00) 2011-08-26 16:14:58 cri
ຫວ່າງມໍ່ໆມານີ້, ລັດຖະບານຫວຽດນາມປະກາດວ່າ, ແຕ່ວັນທີ1ຕຸລາປີນີ້ເປັນຕົ້ນໄປຈະປັບເງິນເດືອນພື້ນຖານໃຫ້ສູງຂຶ້ນ, ຢູ່ນະຄອນໂຮຈີມິນແລະນະຄອນຫຼວງຮ່າໂນ້ຍຂອງຫວຽດນາມ, ບໍລິສັດທັງໝົດຕ້ອງຈ່າຍເງິນເດືອນຢ່າງໜ້ອຍ2ລ້ານດົງຫວຽດນາມ(ເທົ່າກັບ96ໂດລາ)ຕໍ່ເດືອນໃຫ້ກຳມະກອນຜູ້ອອກແຮງງານຕາມກຳນົດ, ເງິນເດືອນພື້ນຖານຢູ່ບໍລິສັດຕ່າງປະເທດໃນສອງເມືອງນີ້ດັ່ງກ່າວໄດ້ຮັບການປັບໃຫ້ສູງຂຶ້ນ29%, ສ່ວນເງິນເດືອນພື້ນຖານໃນບໍລິສັດຂອງຫວຽດນາມເອງໄດ້ປັບໃຫ້ສູງຂຶ້ນ48%, ເງິນເດືອນໃນບໍລິສັດຕ່າງປະເທດຢູ່ເຂດອື່ນກໍ່ຈະຖືກປັບໃຫ້ສູງຂຶ້ນເຊັ່ນດຽວກັນ.
ນີ້ແມ່ນລັດຖະບານຫວຽດນາມປັບເງິນເດືອນຕ່ຳສຸດຂອງບໍລິສັດຂອງຕ່າງປະເທດທີ່ລົງທຶນໃນຫວຽດນາມແລະບໍລິສັດຂອງຫວຽດນາມໃຫ້ສູງຂຶ້ນໃນເວລາດຽວກັນ, ຈຸດປະສົງແມ່ນເພື່ອຊ່ວຍເຫຼືອກຸ່ມຄົນທີ່ມີລາຍໄດ້ຕ່ຳໃນການຮັບມືກັບຄວາມກົດດັນດ້ານເງິນເຟີ້ພາຍໃນປະເທດ.
