ທ່ານດຣ.ທອງລຸນ ສີສຸລິດຢ້ຽມຢາມເຂດກວາງຊີຂອງຈີນ
(GMT+08:00) 2011-08-26 14:43:28 cri
ຕາມຂ່າວສານຊິນຮວາ,ຕອນເຊົ້າວັນທີ25ສິງຫານີ້,ທ່ານດຣທອງລຸນ ສີສຸລິດ ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງການຕ່າງປະເທດສປປລາວພ້ອມດ້ວຍຄະນະທີ່ພວມຢ້ຽມຢາມເຂດປົກຄອງຕົນເອງເຜົ່າຈວ້າງກວາງຊີຂອງຈີນໄດ້ໄປຢ້ຽມຢາມໂຮງຮຽນ"67".
ທ່ານດຣທອງລຸນ ສີສຸລິດໄດ້ເວົ້າຕໍ່ທ່ານໂກວເຊິ່ງຄຸນ ເລຂາພັກທັງເປັນປະທານສະພາປະຊາຊົນເຂດປົກຄອງຕົນເອງເຜົ່າຈວ້າງກວາງຊີວ່າ,ເມື່ອ41ປີກ່ອນ,ທ່ານໄດ້ໄປປະເທດຈີນເປັນເທື່ອທຳອິດ,ໃນເວລານັ້ນ,ທ່ານເປັນອາຈານແລະເປັນຜູ່ນຳພານັກຮຽນລາວໄປຮ່ຳຮຽນຢູ່ໂຮງຮຽນ"67"ທີ່ຢູ່ນະຄອນນານນິງຂອງເຂດກວາງຊີ.ທ່ານສະແດງຄວາມຂອບໃຈນຳນະຄອນນານນິງທີ່ໄດ້ບຳລຸງສ້າງຜູ່ມີຄວາມຮູ້ຄວາມສາມາດຈຳນວນຫຼວງຫຼາຍເພື່ອປະເທດລາວ,ໝູ່ເພື່ອນຮຽນຫຼາຍຮ້ອຍຄົນທີ່ເຄີຍຮຽນຢູ່ໂຮງຮຽນ"67"ເມື່ອກັບຄືນປະເທດລາວແລ້ວໄດ້ກາຍເປັນຜູ່ມີຄວາມຮູ້ຄວາມສາມາດທີ່ດີເດັ່ນໃນຂົງເຂດວຽກງານຕ່າງໆ.ເມື່ອທ່ານດຣທອງລຸນສີສຸລິດໄດ້ເຫັນວັດຖຸພັນອັນປະເສີດໃນຫ້ອງວາງສະແດງຂອງໂຮງຮຽນ67,ທ່ານຮູ້ສຶກດີໃຈຫຼາຍເພາະວ່າມັນເປັນຫຼັກຖານທີ່ໄດ້ສ່ອງແສງໃຫ້ເຫັນເຖິງມິດຕະພາບລະຫວ່າງຈີນລາວ.
