ຕາມຂ່າວສານຊິນຮວາ:ວັນທີ25 ສິງຫານີ້,ໃນເວລາສິ້ນສຸດການຢ້ຽມຢາມມຽນມາ,ທ່ານໂຕມາສ ໂອເຈ ກິນຕານາ ເຈົ້າໜ້າທີ່ລາຍງານພິເສດທາງດ້ານສິດທິມະນຸດຂອງສະຫະປະຊາຊາດກ່າວວ່າ,ມຽນມາໄດ້ມີຄວາມຄືບໜ້າອັນຕັ້ງໜ້າໃນດ້ານປົວແປງສະພາບສິດທິມະນຸດໃຫ້ດີຂຶ້ນ.
ຢູ່ສະໜາມບິນສາກົນຢາງກຸ້ງ,ທ່ານກິນຕານາບອກຕໍ່ສື່ມວນຊົນວ່າ,ລັດຖະບານໃໝ່ທີ່ຕັ້ງຂຶ້ນໃນຕົ້ນປີນີ້ໄດ້ນຳໃຊ້ມາດຕະການຢ່າງເປັນລະບົບ,ມີຫວັງປົວແປງສະພາບສິດມະນຸດຂອງມຽນມາໃຫ້ດີຂຶ້ນ.ທ່ານຊົມເຊີຍຄຳໝັ້ນສັນຍາຂອງທ່ານອູເທນເຊນ ປະທານາທິບໍດີມຽນມາ,ໃນນັ້ນລວມທັງປົກປັກຮັກສາສິດທິມະນຸດພື້ນຖານແລະເສລີໂດຍຜ່ານການດັດແກ້ກົດໝາຍສະບັບປະຈຸບັນ,ດຳເນີນການບໍລິຫານຢ່າງດີງາມແລະນັບຖືການປົກຄອງດ້ວຍກົດໝາຍ.
ວັນທີ21 ສິງຫານີ້,ທ່ານກຸນຕານາເດີນທາງໄປຮອດຢາງກຸ້ງ,ແລະເລີ່ມຢ້ຽມຢາມມຽນມາເປັນເວລາ5ມື້.ນີ້ແມ່ນທ່ານຢ້ຽມຢາມເປັນເທື່ອທຳອິດພາຍຫຼັງລັດຖະບານໃໝ່ມຽນມາສ້າງຕັ້ງຂຶ້ນ.
