ຝ່າຍຕໍ່ຕ້ານລັດຖະບານລີບີຍັງພວມຊອກຫາທ່ານກັດດາຟີຢູ່
(GMT+08:00) 2011-08-28 15:21:30 cri
ພາຍຫລັງໄດ້ບຸກເຂົ້ານະຄອນຫລວງຕຼີໂປລີໃນຫລາຍມື້ແລ້ວ, ວັນທີ 27 ສິງຫານີ້, ທົ່ວນະຄອນຫລວງແມ່ນເກືອບຖືກຝ່າຍຕໍ່ຕ້ານລັດຖະບານລີບີຄວບຄຸມຫມົດແລ້ວ. ຜູ່ປະກອບອາວຸດຂອງຝ່າຍຕໍ່ຕ້ານລັດຖະບານຍັງພວມຊອກຫາທ່ານກັດດາຟີ ຜູ່ນຳລີບີແລະຄອບຄົວຂອງທ່ານຢູ່.
ພ້ອມກັນນັ້ນ, ສົງຄາມຢ່າງຕໍ່ເນຶ່ອງໄດ້ເຮັດໃຫ້ນະຄອນຫລວງຕຼີໂປລີເກີດສະພາບທີ່ຂາດນ້ຳ,ຂາດໄຟຟ້າ,ລາຄາອາຫານແລະນ້ຳມັນເຊື້ອໄຟກໍ່ສູງຂຶ້ນເລຶ້ອຍໆ, ສະພາບສາທາລະນະສຸກຊຸດຮ້າຍລົງ,ຊີວິດການເປັນຢູ່ອັນເປັນປົກກະຕິຂອງປະຊາຊົນຖືກກະທົບຢ່າງຫນັກຫນ່ວງ.ຂ່າວແຈ້ງວ່າ, ຄະນະກຳມະການຂ້າມຜ່ານທົ່ວປະເທດເຊິ່ງເປັນຝ່າຍຕໍ່ຕ້ານລັດຖະບານລີບີຈະແຈກຢາຍນ້ຳມັນເຊື້ອໄຟ 3 ຫມື່ນໂຕນໃຫ້ປະຊາຊົນ, ສະຫນອງອາຍແກັສທຳມະຊາດພາຍໃນ 48 ຊົ່ວໂມງ,ແລະຈະຟື້ນຟູການສະຫນອງນ້ຳໂດຍໄວ.
ມື້ດຽວກັນ, ທ່ານອັບດຸນ ຈາລີນ, ປະທານຂອງຄະນະກຳມະການຂ້າມຜ່ານທົ່ວປະເທດໄດ້ຮຽກຮ້ອງໃຫ້ປະຊາຄົມໂລກໃຫ້ການຊ່ວຍເຫລືອຫລາຍກວ່າເກົ່າແກ່ລີບີ.
