ຈີນສ້າງການພົວພັນຮ່ວມມືດ້ານວິທະຍາສາດເຕັກນິກກັບ 152 ປະເທດແລະເຂດແຄວ້ນແລ້ວ
(GMT+08:00) 2011-08-28 15:37:06 cri
ໃນຫລາຍປີມໍ່ໆມານີ້, ການຕ່າງປະເທດດ້ານວິທະຍາສາດເຕັກນິກນັບມື້ນັບມີຖານະສູງຂຶ້ນໃນການຕ່າງປະເທດຂອງຈີນ. ມາຮອດປີ 2010, ຈີນໄດ້ສ້າງການພົວພັນຮ່ວມມືກັນດ້ານວິທະຍາສາດເຕັກນິກກັບ 152 ປະເທດແລະເຂດແຄວ້ນແລ້ວ, ແລະໄດ້ເຂົ້າຮ່ວມອົງການຈັດຕັ້ງການຮ່ວມມືດ້ານວິທະຍາສາດເຕັກນິກສາກົນລະຫວ່າງລັດຖະບານ 200 ກວ່າອົງການ.
ໃນກອງປະຊຸມວຽກງານການຕ່າງປະເທດດ້ານວິທະຍາສາດເຕັກນິກຂອງຈີນທີ່ໄຂຂຶ້ນຢູ່ນະຄອນຫລວງປັກກິ່ງໃນວັນທີ 28 ສິງຫານີ້ໄດ້ເຜີຍໃຫ້ຮູ້ວ່າ: ໃນ 5 ປີທີ່ຜ່ານມາ, ການປ່ຽນແປງດ້ານດິນຟ້າອາກາດ, ພະລັງງານກັບການອະນຸລັກສິ່ງແວດລ້ອມ, ຄວາມປອດໄພດ້ານອາຫານແລະເນື້ອໃນດ້ານວິທະຍາ ສາດເຕັກນິກອື່ນໆໄດ້ກາຍເປັນຫົວຂໍ້ສຳຄັນໃນຂົງເຂດການຕ່າງປະເທດຂອງຈີນ. ການຕ່າງປະເທດດ້ານວິທະຍາສາດເຕັກນິກໄດ້ປະກອບສ່ວນຢ່າງພົ້ນເດັ່ນໃນການຊຸກຍູ້ແລະເຮັດໃຫ້ການພົວພັນສອງຝ່າຍແລະຫລາຍຝ່າຍຫມັ້ນທ່ຽງແລະຂະຫຍາຍຕົວໄປຫນ້າ.
ນອກນີ້, ຈີນໄດ້ມີຄວາມສາມາດໃນການເຂົ້າຮ່ວມການຮ່ວມມືໃນໂຄງການວິທະຍາສາດເຕັກນິກອັນສຳຄັນຂອງໂລກ.ໂດຍໄດ້ເຂົ້າຮ່ວມໂຄງການວິທະ ຍາສາດເຕັກນິກຂະຫນາດໃຫຍ່ເຊັ່ນ: ແຜນການຫນ່ວຍເຢັນຂອງພັນຄົນໃນສາກົນ, ແຜນການຂຸດຄົ້ນມະຫາສະຫມຸດສາກົນແລະອື່ນໆ, ຈີນໄດ້ຮ່ວມມືກັບອາເມລິກາ,ຣັດເຊຍ,ເອີລົບ,ຍີ່ປຸ່ນແລະປະເທດເຂັ້ມແຂງດ້ານວິທະຍາສາດເຕັກນິກອື່ນໆ,ໄດ້ມີສ່ວນປະກອບໃນການວາງມາດຕະຖານສາກົນແລະແກ້ໄຂບັນຫາສຳຄັນໃນທົ່ວໂລກ.
