ຮ້ານຂາຍຄຳຂອງໄທຈະຢຸດຕິການຈຳໜ່າຍແທ່ງຄຳແລະຄຳກ້ອນເປັນການຊົ່ວຄາວໃນທ້າຍອາທິດ
(GMT+08:00) 2011-08-29 16:51:33 cri
ຕາມຂ່າວຈາກໜັງສືພິມໄທຣັດຂອງໄທ, ແຕ່ວັນທີ27ສິງຫານີ້ເປັນຕົ້ນໄປ, ຮ້ານຂາຍຄຳຢູ່ໄທຈະຢຸດຕິການຈຳໜ່າຍຄຳແທ່ງແລະຄຳກ້ອນເປັນການຊົ່ວຄາວໃນວັນເສົາແລະວັນອາທິດ, ເພື່ອຮັບມືກັບລາຄາຄຳທີ່ຂຶ້ນໆລົງໆຢ່າງຮຸນແຮງໃນຕະຫຼາດສາກົນ.
ທ່ານຈິດຕິ ຕັງສິດພັກດີ, ປະທານສະມາຄົມຄ້າຂາຍຄຳຂອງໄທກ່າວວ່າ, ການໃຊ້ມາດຕະການດັ່ງກ່າວແມ່ນເພື່ອຫຼຸດຜ່ອນຄວາມສ່ຽງທີ່ລາຄາຄຳໃນຕະຫຼາດສາກົນຂຶ້ນໆລົງໆຢ່າງຮຸນແຮງຈະເປັນຜົນກະທົບຕໍ່ຕະຫຼາດຄຳຂອງປະເທດໄທ, ມາດຕະການດັ່ງກ່າວຈະປະຕິບັດໄປຈົນກວ່າຮອດເວລາລາຄາຄຳໃນຕະຫຼາດຄຳສາກົນກັບຄືນສູ່ຄວາມເປັນປົກກະຕິ. ທ່ານກ່າວຕື່ມອີກວ່າ, ແຕ່ວັນຈັນຮອດວັນສຸກຈະຈຳໜ່າຍຜະລິດຕະພັນຄຳທັງໝົດເປັນປົກກະຕິ.
ຫວ່າງມໍ່ໆມານີ້, ລາຄາຄຳຢູ່ໄທເຄີຍເພີ່ມຂຶ້ນ1800ບາດໃນມື້ໜຶ່ງ,ເປັນສະຖິຕິສູງສຸດໃນປະຫວັດສາດ. ໃນ10ປີຜ່ານມາລາຄາຄຳເຄີຍເພີ່ມຂຶ້ນ1200ບາດໃນມື້ໜຶ່ງໂດຍເປັນຈັງຫວະເພີ່ມຂຶ້ນສູງສຸດ.
