ຈີນສຳເລັດຍອດປະລິມານໃນການຫຼຸດການລະບາຍມົນລະພິດຕົ້ນຕໍຕາມຄາດໝາຍຂອງແຜນການພັດທະນາເສດຖະກິດ-ສັງຄົມ5ປີຄັ້ງທີ11ໃຫ້ໄດ້ຢ່າງຮອບດ້ານ
(GMT+08:00) 2011-08-29 16:18:03 cri
ຕາມຂ່າວCRI,ທ່ານຖາວເຕີທຽນ ໂຄສົກຖະແຫຼງຂ່າວຂອງກະຊວງອະນຸລັກສິ່ງແວດລ້ອມຈີນແຈ້ງໃຫ້ຮູ້ໃນວັນທີ29ສິງຫານີ້ວ່າ,ຈີນໄດ້ສຳເລັດຍອດປະລິມານໃນການຫຼຸດການລະບາຍມົນລະພິດຕົ້ນຕໍຕາມຄາດໝາຍຂອງແຜນການພັດທະນາເສດຖະກິດ-ສັງຄົມ5ປີຄັ້ງທີ11ໃຫ້ໄດ້ຢ່າງຮອບດ້ານແລ້ວ.
ມື້ດຽວກັນ,ກະຊວງອະນຸລັກສິ່ງແວດລ້ອມຂອງຈີນໄດ້ເປີດເຜີຍຜົນການກວດກາຍອດປະລິມານຫຼຸດການລະບາຍມົນລະພິດຕົ້ນຕໍຂອງແຫ່ງຕ່າງໆໃນປີ2010ແລະໄລຍະປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ5ປີຄັ້ງທີ11.ຊຶ່ງຜົນການກວດກາສະແດງໃຫ້ເຫັນວ່າ,ໃນປີ2010,ຍອດປະລິມານລະບາຍອົກຊີແຊນທີ່ຕ້ອງການທາງດ້ານເຄມີໃນທົ່ວປະເທດມີ12ລ້ານ3ແສນ8ໝື່ນ1000ໂຕນ,ເມື່ອທຽບໃສ່ປີ2005ແລ້ວໄດ້ຫຼຸດລົງ12,45%,ຍອດປະລິມານລະບາຍຊຸນເຟີດີອົກຊິດມີ21ລ້ານ8ແສນ5ໝື່ນ1000ໂຕນ, ຫຼຸດລົງ14,29%ເມື່ອທຽບໃສ່ປີ2005.ຊຶ່ງລ້ວນແຕ່ໄດ້ສຳເລັດໜ້າທີ່ຫຼຸດການລະບາຍມົນລະພິດແບບລື່ນຄາດໝາຍຄືຕາມຄາດໝາຍໄວ້ລ່ວງໜ້າແມ່ນ10%.
ທ່ານຖາວເຕີທຽນຍັງກ່າວວ່າ,ກະຊວງອະນຸລັກສິ່ງແວດລ້ອມຂອງຈີນຈະຊຸກຍູ້ແລະຕິດຕາມກວດກາການປັບປຸງດັດແກ້ຂອງວິສາຫະກິດທີ່ສ້າງມົນລະພິດສູງ,ສຳລັບວິສາຫະກິດທີ່ແກ້ໄຂບັນຫາບໍ່ເຖິງຖອງຫຼືເຮັດວຽກຢ່າງບໍ່ມີປະສິດທິພາບູຊຶ່ງພາໃຫ້ສ້າງຜົນສະທ້ອນອັນໜັກໜ່ວງໃນສັງຄົມ,ອົງການຕິດຕາມກວດກາຈະລົງໂທດຜູ່ກ່ຽວ.
