ຈີນກ່າວເນັ້ນວ່າສະພາຄວາມໝັ້ນຄົງແຫ່ງສະຫະປະຊາຊາດຄວນເສີມຂະຫຍາຍບົດບາດນຳພາໃນການແກ້ໄຂບັນຫາລີບີ
(GMT+08:00) 2011-08-31 16:44:16 cri
ສະພາຄວາມໝັ້ນຄົງແຫ່ງສະຫະປະຊາຊາດໄດ້ໄຂກອງປະຊຸມເປີດເຜີຍໃນວັນທີ30ສິງຫານີ້ໂດຍໄດ້ຮັບຟັງແລະປຶກສາຫາລືກ່ຽວກັບການລາຍງານຂອງທ່ານບານກີມູນ ເລຂາທິການໃຫຍ່ສະຫະປະຊາຊາດກ່ຽວກັບສະຖານະການໃນລີບີ.ພາຍຫຼັງກອງປະຊຸມ,ທ່ານລີປາວຕຸ່ງ ຜູ່ຕາງໜ້າຖາວອນຂອງຈີນປະຈຳສະຫະປະຊາຊາດໄດ້ຖະແຫຼງຕໍ່ສື່ມວນຊົນໂດຍກ່າວເນັ້ນວ່າ,ເພື່ອຮັບມືກັບບັນຫາລີບີໃນຕໍ່ໜ້າ,ປະຊາຄົມໂລກຄວນປະຕິບັດຕາມ4ຫຼັກການຄື: ທຳອິດແມ່ນຕ້ອງຢຸດຕິການປະທະກັນໂດຍໄວ,ການໃຊ້ກຳລັງທາງທະຫານບໍ່ສາມາດແກ້ໄຂບັນຫາລີບີໄດ້,ອັນທີສອງແມ່ນຕ້ອງເລີ່ມຕົ້ນປະຕິບັດການທາງການເມືອງທີ່ເຮັດໃຫ້ຝ່າຍຕ່າງໆໄດ້ຮັບຜົນປະໂຫຍດຮ່ວມກັນ,ອັນທີສາມແມ່ນເຄົາລົບອະທິປະໄຕແລະຜືນແຜ່ນດິນອັນຄົບຖ້ວນຂອງລີບີ,ເຄົາລົບຄວາມປາຖະໜາແລະທາງເລືອກຂອງປະຊາຊົນລີບີ,ອັນສຸດທ້າຍແມ່ນເສີມຂະຫຍາຍບົດບາດນຳພາຂອງສະພາຄວາມໝັ້ນຄົງ,ຄວາມພະຍາຍາມຂອງປະເທດ,ກົນໄກສາກົນແລະກອງປະຊຸມສາກົນອື່ນໆລ້ວນແຕ່ຄວນເສີມຂະຫຍາຍບົດບາດຊ່ວຍເຫຼືອພາຍໃຕ້ການຊີ້ນຳຂອງກົດບັດສະຫະປະຊາຊາດແລະຫຼັກການທີ່ກຳນົດໄວ້ໃນການແກ້ໄຂບັນຫາລີບີ.
ທ່ານລີປາວຕຸ່ງຍັງກ່າວເນັ້ນວ່າ,ຈີນສະໜັບສະໜູນສະຫະພາບອາຟຼິກກາທີ່ມີຄວາມພະຍາຍາມໃນການຊຸກຍູ້ການແກ້ໄຂວິກິດການຢູ່ລີບີດ້ວຍວິທີທາງການເມືອງ.
