ຊາວມຸສລິມແຫ່ງຕ່າງໆຂອງຈີນສະເຫຼີມສະຫຼອງບຸນເລີກຖືສິນ
(GMT+08:00) 2011-08-31 18:11:06 cri
ວັນທີ31ສິງຫາແມ່ນບຸນເລີກຖືສິນຊຶ່ງເປັນບຸນສຳຄັນຂອງມຸສລິມ.ໃນມື້ບຸນເລີກຖືສິນແຕ່ລະປີ,ຊາວມຸສລິມແຫ່ງຕ່າງໆຂອງຈີນລ້ວນແຕ່ຈະມີການສະເຫຼີມສະຫຼອງມື້ບຸນຢ່າງໃຫຍ່ໂຕມະຫາລານດ້ວຍຫຼາຍຮູບຫຼາຍແບບ.
ເວລາ10ໂມງວັນທີ31ສິງຫານີ້,ຊາວມຸສລິມຫຼາຍພັນຄົນໄດ້ເຕົ້າໂຮມກັນຢູ່ສຸເຫຼົ່ານີວເຈຊຶ່ງເປັນສຸເຫຼົ່າທີ່ໃຫຍ່ກວ່າໝູ່ແລະມີປະຫວັດດົນນານກວ່າໝູ່ຢູ່ປັກກິ່ງເພື່ອເລີ່ມຕົ້ນພິທີສະຫຼອງມື້ບຸນຂອງປີນີ້.
ຢູ່ເຂດປົກຄອງຕົນເອງໜິງເຊ້ຍ ເຊິ່ງເປັນເຂດທີ່ມີເຜົ່າຮຸຍ ດຳລົງຊີວິດຫຼາຍກວ່າໝູ່ຂອງຈີນ,ຢູ່ໃນແລະນອກສຸເຫຼົ່ານາເຈ່ຍຮູ້ທີ່ມີປະຫວັດເກືອບ500ປີຂອງເມືອງຢົງໜິງນະຄອນອິນສວນເຕັມໄປດ້ວຍຊາວມຸສລິມທີ່ໄປເຂົ້າຮ່ວມພິທີສະຫຼອງບຸນ.ເລີ່ມແຕ່ປີ2010ເປັນຕົ້ນມາ,ເຂດປົກຄອງຕົນເອງໜິງເຊ້ຍໄດ້ເພີ່ມວັນພັກບຸນເລີກຖືສິນແລະບຸນອິດູນ ອັດຮາຈາກ1ມື້ເປັນ2ມື້,ສ່ວນໃນບຸນເລີກຖືສິນປີນີ້,ບວກກັບວັນເສົາວັນທິດແລ້ວ,ປະຊາຊົນເຜົ່າຕ່າງໆຂອງເຂດປົກຄອງຕົນເອງໜິງເຊ້ຍຈະໄດ້ພັກ4ວັນ.
ວັນທີ31ສິງຫານີ້,ຊາວມຸສລິມຂອງແຫ່ງຕ່າງໆເຂດປົກຄອງຕົນເອງເຜົ່າອຸຍເກີຊິນເຈ່ຍຈຳນວນ11ລ້ານກວ່າຄົນໄດ້ເລີ່ມຊົມໃຊ້ຍາມພັກບຸນເລີກຖືສິນເປັນເວລາ2ວັນ,ຢູ່ຊຸບເປີມາເກັດອານເມີທີ່ເອີຕ້າວສຽວນະຄອນອຸລຸມກີເຂດຊິນຈ່ຽງ,ປະຊາຊົນຈຳນວນຫຼວງຫຼາຍພາກັນໄປຊື້ເຄື່ອງ ສະຫຼອງບຸນແຕ່ເຊົ້າ.
